மாவட்ட செய்திகள்

2 நாட்களில் தடைகாலம் முடிவடையும் நிலையில் மீன்பிடிக்க செல்ல தயாராகி வரும் விசைப்படகு மீனவர்கள் + "||" + Fishermen are ready to go fishing

2 நாட்களில் தடைகாலம் முடிவடையும் நிலையில் மீன்பிடிக்க செல்ல தயாராகி வரும் விசைப்படகு மீனவர்கள்

2 நாட்களில் தடைகாலம் முடிவடையும் நிலையில் மீன்பிடிக்க செல்ல தயாராகி வரும் விசைப்படகு மீனவர்கள்
தடை காலம் முடிவடைய இன்னும் 2 நாட்கள் மட்டுமே உள்ளநிலையில் ராமேசுவரத்தில் மீன்பிடிக்க செல்ல விசைப்படகு மீனவர்கள் தயாராகி வருகின்றனர்.

ராமேசுவரம்,

தமிழகம் முழுவதும் உள்ள கடல் பகுதிகளில் ஆண்டுதோறும் ஏப்ரல் மாதம் 15–ந்தேதி முதல் ஜூன் 14–ந்தேதி வரையிலும் மீன்கள் முட்டையிட்டு இனப்பெருக்கம் செய்யும் சீசனாக உள்ளதால், இந்த 61 நாட்கள் மட்டும் விசைப்படகுகள் மீன் பிடிக்க செல்ல மத்திய–மாநில அரசால் தடை விதிக்கப்படும். இந்த ஆண்டின் தடை காலமானது கடந்த ஏப்ரல் மாதம் 15–ந்தேதியில் இருந்து தொடங்கியதை தொடர்ந்து ராமநாதபுரம் மாவட்ட பகுதியான ராமேசுவரம், பாம்பன், மண்டபம் உள்ளிட்ட பல ஊர்களிலும் சேர்த்து சுமார் 2 ஆயிரத்திற்கும் மேற்பட்ட விசைப்படகு மீனவர்கள் மீன்பிடிக்க செல்லவில்லை. இந்தநிலையில் விசைப் படகுகளுக்கான 61 நாள் மீன்பிடி தடை காலம் நாளை(வியாழக்கிழமை) இரவு 12 மணியுடன் முடிவடைகின்றது. தடை காலம் முடிவடைய இன்னும் 2 நாட்களே உள்ள நிலையில் கடந்த 1 வாரத்திற்கு மேலாகவே பழுது பார்ப்பதற்காக கரையில் ஏற்றி நிறுத்தப்பட்டிருந்த விசைப்படகுகளை மீனவர்கள் கடலில் இறக்கி தயார் நிலையில் நிறுத்தி வைத்துள்ளனர். மேலும் வலைகளை மீனவர்கள் தயார்படுத்தி வருகின்றனர்.

தடை காலம் வருகிற நாளை இரவு 12 மணியுடன் முடிவடையும் நிலையில் 15–ந்தேதி அன்று விசைப்படகுகள் மீன்பிடிக்க செல்லாத விடுமுறை நாளாக கடைபிடிக்கப்படுகிறது. இதனால் தடை காலம் நாளை நள்ளிரவில் முடிவடைந்தாலும் ராமேசுவரத்தில் உள்ள விசைப்படகு மீனவர்களுக்கு 16–ந்தேதி அதிகாலை முதல் மீன்பிடிக்க அனுமதி டோக்கன் வழங்கவுள்ளதாக மீன்துறை அதிகாரிகளும் தெரிவித்துள்ளனர். 61 நாட்கள் தடை காலம் முடிந்து வருகிற சனிக்கிழமை முதல் ராமேசுவரம் பகுதியில் இருந்து விசைப்படகுகள் மீன் பிடிக்க செல்ல உள்ளதால் இறால் மீன்கள் உள்ளிட்ட அனைத்து வகை மீன்களுமே அதிக அளவில் கிடைக்கும் என்ற எதிர்பார்ப்பில் மீனவர்கள் இருந்து வருகின்றனர். தடை காலத்தையொட்டி கடந்த 2 மாதமாக களையிழந்து காணப்பட்ட கடற்கரை பகுதி நேற்று முதல் மீண்டும் களைகட்ட தொடங்கிவிட்டது. இலங்கை கடற்படையால் எந்த பிரச்சினையும் வரக்கூடாது என்றும் கடவுளை வேண்டி மீனவர்கள் பிரார்த்தனையும் செய்து வருகின்றனர்.



தொடர்புடைய செய்திகள்

1. கோவை அவினாசி ரோட்டில் தடையில்லா போக்குவரத்து திட்டம் மீண்டும் செயல்படுத்த போலீஸ் கமி‌ஷனர் உத்தரவு
20 நிமிடத்துக்குள் விமானநிலையம் சென்றடையும் வகையில், கோவை அவினாசி ரோட்டில் தடையில்லா போக்குவரத்து திட்டத்தை மீண்டும் செயல்படுத்த போலீஸ் கமி‌ஷனர் சுமித் சரண் உத்தரவிட்டுள்ளார்.
2. வெளிமாவட்ட மீனவர்களை மீன்பிடிக்க அனுமதிக்கக்கூடாது; கலெக்டரிடம் மனு
ராமநாதபுரம் மாவட்டத்தில் வெளிமாவட்ட மீனவர்களை மீன்பிடிக்க அனுமதிக்க கூடாது என்று கலெக்டரிடம் மீனவர்கள் மனு கொடுத்தனர்.
3. சிங்காநல்லூர் குளக்கரையில் நடைபாதை வசதி; சிலைகள் கரைக்க, மீன்பிடிக்க தடை விதிக்க முடிவு
கோவையில் உள்ள சிங்காநல்லூர் குளத்தில் நடைபாதை வசதி செய்யப்படுகிறது. அத்துடன் அங்கு சிலைகள் கரைக்கவும், மீன்பிடிக்க தடை விதிக்கவும் முடிவு செய்யப்பட்டு உள்ளது.
4. இலங்கைக்கு மாத்திரைகள் கடத்த முயன்ற வழக்கு தலைமறைவாக இருந்த மீனவர் கைது
ராமநாதபுரம் மாவட்டம் கீழக்கரை வழியாக இலங்கைக்கு மாத்திரைகள் கடத்த முயன்ற வழக்கில் தலைமறைவாக இருந்த மீனவர்கைது செய்யப்பட்டார்.
5. விசைப்படகு மீனவர்கள் வேலை நிறுத்தம் வாபஸ் இன்று கடலுக்கு மீன்பிடிக்க செல்கின்றனர்
புதுக்கோட்டை மாவட்ட விசைப்படகு மீனவர்கள் காலவரையற்ற வேலை நிறுத்தத்தை வாபஸ் பெற்றனர். அவர்கள் இன்று கடலுக்கு மீன்பிடிக்க செல்கின்றனர்.

அதிகம் வாசிக்கப்பட்டவை