மாவட்ட செய்திகள்

விருதுநகர் பகுதியில் ஆக்கிரமிப்புகளை அகற்ற கோரிய வழக்கு கலெக்டர் பதிலளிக்க ஐகோர்ட்டு உத்தரவு + "||" + Virudhunagar area The case for the removal of occupations Collector Response

விருதுநகர் பகுதியில் ஆக்கிரமிப்புகளை அகற்ற கோரிய வழக்கு கலெக்டர் பதிலளிக்க ஐகோர்ட்டு உத்தரவு

விருதுநகர் பகுதியில் ஆக்கிரமிப்புகளை அகற்ற கோரிய வழக்கு கலெக்டர் பதிலளிக்க ஐகோர்ட்டு உத்தரவு
விருதுநகர் பகுதியில் ஆக்கிரமிப்புகளை அகற்ற கோரிய வழக்கில் கலெக்டர் பதிலளிக்க வேண்டும் என ஐகோர்ட்டு உத்தரவிட்டுள்ளது.

மதுரை,

விருதுநகர் மக்கள் மன்ற அமைப்பின் செயலாளர் ஈஸ்வரன், மதுரை ஐகோர்ட்டு கிளையில் தாக்கல் செய்த மனுவில், விருதுநகர் மாவட்டம் தொழில் நகரமாக உள்ளது. விருதுநகர் நகராட்சிக்கு உட்பட்ட பகுதிகள், தேசிய நெடுஞ்சாலை மற்றும் நடைபாதைகளை ஆக்கிரமித்து கடைகள் வைத்துள்ளனர். குறிப்பாக மாரியம்மன் கோவில், ரத வீதிகள், எம்.ஜி.ஆர். சிலை ரோடு, புல்லலக்கோட்டை ரோடு, ராமமூர்த்தி சாலை ஆகிய பகுதிகளில் ஆக்கிரமிப்புகள் அதிகமாக உள்ளன.

தேசிய நெடுஞ்சாலையில் கடைகள், கட்டிடங்கள் என அதிக அளவில் ஆக்கிரமிப்பு இருப்பதால் நடந்து செல்வோர், வாகனங்களில் செல்வோர் என அனைவரும் பாதிக்கப்படுகின்றனர். இது குறித்து மாவட்ட கலெக்டர் உள்ளிட்ட அதிகாரிகளுக்கு மனு அளித்தும் எந்தவொரு நடவடிக்கையும் எடுக்கவில்லை. எனவே விருதுநகர் நகராட்சிக்கு உட்பட்ட பகுதியில் உள்ள அனைத்து ஆக்கிரமிப்புகளையும் அகற்ற உத்தரவிட வேண்டும் என கூறியிருந்தார்.

இந்த மனு நீதிபதிகள் எம்.எம்.சுந்தரேஷ், சதீஷ்குமார் அமர்வு முன்பு விசாரணைக்கு வந்தது.

அப்போது அரசு தரப்பில் விருதுநகர் பகுதியில் ஆக்கிரமிப்புகளை அகற்றும் பணி நடந்து வருகிறது எனவும், விரைவில் முழுவதுமாக ஆக்கிரமிப்பு அகற்றப்படும் என கூறப்பட்டது.

இதனை பதிவு செய்த நீதிபதிகள், ஆக்கிரமிப்புகள் குறித்து எடுக்கப்பட்டு வரும் நடவடிக்கை குறித்து மாவட்ட கலெக்டர் பதில் மனு தாக்கல் செய்ய உத்தரவிட்டு வழக்கை 2 வாரத்திற்கு ஒத்திவைத்தனர்.



தொடர்புடைய செய்திகள்

1. தாம்பரம் சானடோரியம் ‘மெப்ஸ்’ வளாகத்தில் மாவட்ட கலெக்டர் திடீர் ஆய்வு
தாம்பரம் சானடோரியத்தில் உள்ள ‘மெப்ஸ்’ வளாகத்தில் காஞ்சீபுரம் மாவட்ட கலெக்டர் பொன்னையா திடீரென ஆய்வு செய்தார்.
2. கொசுக்கள் உற்பத்தியாகும் வகையில் வீடுகள் இருந்தால் கடும் நடவடிக்கை; திருவள்ளூர் மாவட்ட கலெக்டர் எச்சரிக்கை
கொசுக்கள் உற்பத்தியாகும் வகையில் வீடுகள், வணிக வளாகங்கள் இருந்தால் கடும் நடவடிக்கை எடுக்கப்படும் என்று திருவள்ளூர் மாவட்ட கலெக்டர் மகேஸ்வரி ரவிக்குமார் எச்சரிக்கை விடுத்துள்ளார்.
3. காஞ்சீபுரம் மாவட்டத்தில் பழுதடைந்த அரசு தொகுப்பு வீடுகளை புதுப்பிக்க விண்ணப்பிக்கலாம்; காஞ்சீபுரம் மாவட்ட கலெக்டர் தகவல்
காஞ்சீபுரம் மாவட்டத்தில் பழுதடைந்த அரசு தொகுப்பு வீடுகளை புதுப்பிக்க விண்ணப்பிக்கலாம் என்று கலெக்டர் பொன்னையா தெரிவித்துள்ளார்.
4. 100 அடி உயர மேல்நிலை நீர்த்தேக்க தொட்டி மீது ஏறி கலெக்டர் ஆய்வு
கரூரில் 100 அடி உயரமுள்ள மேல்நிலை நீர்த்தேக்க தொட்டியின் மீது ஏறி மாவட்ட கலெக்டர் அன்பழகன் ஆய்வு மேற்கொண்டார்.
5. ஈரோடு மாவட்டத்தில் சொட்டுநீர் பாசனம் அமைக்க 50 சதவீத மானியம்; கலெக்டர் கதிரவன் தகவல்
ஈரோடு மாவட்டத்தில் சொட்டுநீர் பாசனம் அமைக்க 50 சதவீத மானியம் வழங்கப்படும் என்று கலெக்டர் கதிரவன் தெரிவித்து உள்ளார்.