மாவட்ட செய்திகள்

ரெயில் மீது ஏறி ‘செல்பி’ எடுக்க முயன்ற கல்லூரி மாணவர் பலி + "||" + Trying to selfie on the train College student kills

ரெயில் மீது ஏறி ‘செல்பி’ எடுக்க முயன்ற கல்லூரி மாணவர் பலி

ரெயில் மீது ஏறி ‘செல்பி’ எடுக்க முயன்ற கல்லூரி மாணவர் பலி
ரெயில் மீது ஏறி நின்று ‘செல்பி’ எடுக்க முயன்ற கல்லூரி மாணவர் மீது மின்கம்பி உரசியதால் உடல் கருகி பலியானார்.

கோவை,

நீலகிரி மாவட்டம் மசினகுடியை சேர்ந்த சசிதரன் என்பவருடைய மகன் ஸ்ரீஹரி (வயது 18). இவர் கோவையில் நண்பர்களுடன் அறை எடுத்து தங்கி, ஒரு கல்லூரியில் பி.சி.ஏ. முதலாம் ஆண்டு படித்துவந்தார். ஸ்ரீஹரி தனது நண்பர்கள் 5 பேருடன் டீ குடிப்பதற்காக நேற்று அதிகாலை 3.30 மணியளவில் வெளியே சென்றார்.

அவர்கள் பீளமேடு ரெயில் நிலையம் அருகே நடந்து சென்றபோது அங்கு கோவையை நோக்கி வந்த சரக்கு ரெயில் சிக்னலுக்காக நின்றுகொண்டு இருந்தது.

ஸ்ரீஹரி அந்த சரக்கு ரெயில் மீது ஏறி செல்பி எடுப்பதற்காக ரெயிலில் இருந்த படிக்கட்டு மீது ஏறினார். அவருடைய நண்பர்கள் வேண்டாம் என்று கூச்சலிட்டும் அதை பொருட்படுத்தாமல் ரெயில் மீது ஏறி நின்று செல்போனில் ‘செல்பி’ எடுக்க முயன்றார்.

அப்போது அங்கு மேலே சென்ற உயரழுத்த மின்சார ஒயர் ஸ்ரீஹரியின் தலையில் உரசியதாக தெரிகிறது. உடனே அவரை மின்சாரம் தாக்கியதில் தூக்கிவீசப்பட்டு சம்பவ இடத்திலேயே உடல் கருகி பரிதாபமாக இறந்தார்.

கண்இமைக்கும் நேரத்தில் நடந்த இந்த சம்பவத்தை பார்த்த நண்பர்கள் ஸ்ரீஹரியின் உடலை பார்த்து கதறி அழுதனர். கோவை ரெயில்வே போலீசார் விரைந்து சென்று ஸ்ரீஹரியின் உடலை கைப்பற்றி பிரேத பரிசோதனைக்கு அனுப்பிவைத்தனர். இதுகுறித்து போலீசார் தொடர்ந்து விசாரணை நடத்தி வருகின்றனர்.



தொடர்புடைய செய்திகள்

1. மாணவி மாடியில் இருந்து குதித்து சாவு: பள்ளி நிர்வாகத்தை கண்டித்து மாணவர்கள் முற்றுகை போராட்டம்
செல்போன் உபயோகித்ததை கண்டித்ததால் பள்ளி மாடியில் இருந்து குதித்து மாணவி இறந்தார். இதையொட்டி மாணவர்கள் பள்ளி முன்பு முற்றுகை போராட்டத்தில் ஈடுபட்டனர்.
2. மதுரை அருகே தொழிலாளி வெட்டிக் கொலை; போலீஸ் தேடும் வாலிபரின் அண்ணன் திடீர் சாவு
சோழவந்தான் அருகே முன்விரோதத்தில் கூலித்தொழிலாளி வெட்டிக்கொலை செய்யப்பட்டார். இந்த கொலை தொடர்பாக தேடப்படும் வாலிபரின் அண்ணன் அதிர்ச்சியில் உயிரிழந்தார்.
3. மோட்டார் சைக்கிள் கால்வாய்க்குள் பாய்ந்தது; தொழிலாளி பலி ஆரல்வாய்மொழி அருகே பரிதாபம்
ஆரல்வாய்மொழி அருகே மோட்டார்சைக்கிள் கால்வாய்க்குள் பாய்ந்தது. இதில் தொழிலாளி பரிதாபமாக பலியானார்.
4. திருவண்ணாமலை அருகே ஓடும் ரெயிலில் ரத்த வெள்ளத்தில் பிணமாக கிடந்த பெண் நடுவழியில் அபாய சங்கிலியை இழுத்து ரெயில் நிறுத்தப்பட்டதால் பரபரப்பு
மன்னார்குடியில் இருந்து திருப்பதி சென்ற ரெயிலில் ரத்த வெள்ளத்தில் பெண் பிணமாக கிடந்தார். அந்த ரெயிலில் சென்றவர்கள் அபாய சங்கிலியை இழுத்து நடுவழியில் ரெயிலை நிறுத்தியதால் பரபரப்பு ஏறபட்டது.
5. கத்தியை காட்டி மிரட்டி தனியார் நிறுவன ஊழியரிடம் பணம் பறிக்க முயற்சி கல்லூரி மாணவர் உள்பட 2 பேர் கைது
சென்னை தரமணி பகுதியில் கத்தியை காட்டி மிரட்டி தனியார் நிறுவன ஊழியரிடம் பணம் பறிக்க முயற்சி செய்த 2 பேரை போலீசார் கைது செய்தனர்.