மாவட்ட செய்திகள்

விருதுநகர் ராமமூர்த்தி ரோட்டில் அரசு ஆஸ்பத்திரிகளுக்கு இடையே சுரங்கப்பாதை அமைப்பது குறித்து 8 வாரத்திற்குள் முடிவு எடுக்க வேண்டும்; நெடுஞ்சாலைத்துறைக்கு ஐகோர்ட்டு உத்தரவு + "||" + Between government hospitals to Virudhunagar Ramamurthy Road decide on the construction of the subway

விருதுநகர் ராமமூர்த்தி ரோட்டில் அரசு ஆஸ்பத்திரிகளுக்கு இடையே சுரங்கப்பாதை அமைப்பது குறித்து 8 வாரத்திற்குள் முடிவு எடுக்க வேண்டும்; நெடுஞ்சாலைத்துறைக்கு ஐகோர்ட்டு உத்தரவு

விருதுநகர் ராமமூர்த்தி ரோட்டில் அரசு ஆஸ்பத்திரிகளுக்கு இடையே சுரங்கப்பாதை அமைப்பது குறித்து 8 வாரத்திற்குள் முடிவு எடுக்க வேண்டும்; நெடுஞ்சாலைத்துறைக்கு ஐகோர்ட்டு உத்தரவு
விருதுநகர் ராமமூர்த்தி ரோட்டில் இருபுறமும் உள்ள அரசு ஆஸ்பத்திரிகளுக்கு இடையே சுரங்கப்பாதை அமைப்பது குறித்து நெடுஞ்சாலைத்துறையினர் 8 வாரங்களுக்குள் முடிவு எடுக்க வேண்டும் என மதுரை ஐகோர்ட்டு உத்தரவிட்டுள்ளது.

விருதுநகர்,

விருதுநகர் ராமமூர்த்தி ரோட்டில் ரெயில்வே மேம்பாலம் கட்டப்பட்டு வரும் நிலையில் ரோட்டின் கிழக்கு பகுதியில் மேம்பாலம் தொடங்கும் இடத்தில் ரோட்டின் இருபுறமும் அரசு ஆஸ்பத்திரியும், அரசு பிரசவ ஆஸ்பத்திரியும் உள்ளது. மேம்பாலம் பயன்பாட்டிற்கு வந்த பின்னர் இந்த இரு ஆஸ்பத்திரிகளுக்கு இடையே பொதுமக்கள் மற்றும் நோயாளிகள் ரோட்டை கடந்து செல்வதில் சிரமம் ஏற்படும் நிலை உள்ளதால் இந்த இரு ஆஸ்பத்திரிகளுக்கும் இடையே சுரங்கப்பாதை அமைக்க வேண்டும் என வலியுறுத்தப்பட்டது. நெடுஞ்சாலைத்துறை அதிகாரிகள் பல்வேறு நிலைகளில் சுரங்கப்பாதை அமைப்பது குறித்து முரண்பட்ட தகவல்களை தெரிவித்து வந்தனர்.

இறுதியில் இந்த இடத்தில் சுரங்கப்பாதை அமைப்பதற்கு ரூ.2 கோடியில் மதிப்பீடு தயாரித்து சென்னை நெடுஞ்சாலைத்துறை தலைமை என்ஜினீயருக்கு அனுப்பி வைக்கப்பட்டுள்ளதாகவும், தலைமை என்ஜினீயர் அனுமதி அளித்து அரசு ஆணை வெளியிட்ட பின்னர் இந்த திட்டப்பணி தொடங்கப்படும் என்றும் நெடுஞ்சாலைத்துறை சார்பில் தெரிவிக்கப்பட்டது.

கடந்த ஆண்டு இறுதியிலேயே திட்டமதிப்பீடு தயாரித்து நெடுஞ்சாலைத்துறை தலைமை என்ஜினீயருக்கு அனுப்பி வைக்கப்பட்டுள்ளதாக தெரிவிக்கப்பட்ட போதிலும் இது குறித்து முடிவு ஏதும் எடுக்கப்படாமல் இருந்து வருகிறது.

இந்த நிலையில் விருதுநகரை சேர்ந்த வக்கீல் மாசிலாமணி, அரசு ஆஸ்பத்திரிகளுக்கு இடையே மேம்பாலம் தொடங்கும் இடத்தில் சுரங்கப்பாதை அமைக்க உத்தரவிடக்கோரி மதுரை ஐகோர்ட்டில் மனு தாக்கல் செய்தார். இந்த மனு நீதிபதிகள் எம்.எம்.சுந்தரேஷ், என்.சதீஷ்குமார் ஆகியோர் அடங்கிய அமர்வு முன் விசாரணைக்கு வந்தது.

மனுவை விசாரித்த நீதிபதிகள் சென்னை நெடுஞ்சாலைத்துறை தலைமை என்ஜினீயர், நெல்லை நெடுஞ்சாலைத்துறை மேற்பார்வை என்ஜினீயர், பரமக்குடி கோட்ட என்ஜினீயர், விருதுநகர் கோட்ட என்ஜினீயர் ஆகியோர் விருதுநகர் ராமமூர்த்தி ரோட்டில் அரசு ஆஸ்பத்திரிகளுக்கு இடையே சுரங்கப்பாதை அமைப்பது குறித்து 8 வாரங்களுக்குள் முடிவு எடுக்க வேண்டும் என உத்தரவிட்டனர்.



தொடர்புடைய செய்திகள்

1. “என் மகளை பலாத்காரம் செய்தவர்களை கைது செய்ய உத்தரவிடுங்கள்”: இளம்பெண்ணின் தாயார் நீதிபதிக்கு கடிதம், மதுரை ஐகோர்ட்டு வழக்குப்பதிவு
“என் மகளை பலாத்காரம் செய்தவர்களை கைது செய்ய வேண்டும்“ என்று இளம்பெண்ணின் தாயார் மதுரை ஐகோர்ட்டு நீதிபதிக்கு பரபரப்பு கடிதம் எழுதி உள்ளார். அதன் அடிப்படையில் மதுரை ஐகோர்ட்டு தாமாக முன்வந்து வழக்குப்பதிவு செய்தது.
2. கோரிக்கையை வலியுறுத்தி மீனவர்கள் காத்திருப்பு போராட்டம்
ராமநாதபுரத்தில் 10 அம்ச கோரிக்கையை வலியுறுத்தி மீனவர்கள் காத்திருப்பு போராட்டத்தில் ஈடுபட்டனர்.
3. டாக்டர்கள் சங்கத்தினருடனான பேச்சுவார்த்தை விவரங்களை தாக்கல் செய்ய வேண்டும்; சுகாதாரத்துறை செயலாளருக்கு, ஐகோர்ட்டு உத்தரவு
டாக்டர்கள் சங்கத்தினருடன் நடத்திய பேச்சுவார்த்தை விவரங்களை தாக்கல் செய்ய வேண்டும் என்று சுகாதாரத்துறை செயலாளருக்கு மதுரை ஐகோர்ட்டு உத்தரவிட்டுள்ளது.
4. தாயாரின் இறுதி சடங்கில் பங்கேற்க ஆயுள் தண்டனை கைதிக்கு பரோல்; மதுரை ஐகோர்ட்டு உத்தரவு
தாயாரின் இறுதி சடங்கில் பங்கேற்பதற்காக ஆயுள் தண்டனை கைதியை பரோலில் விடுதலை செய்ய மதுரை ஐகோர்ட்டு உத்தரவிட்டுள்ளது.
5. மதுரை ஐகோர்ட்டு உத்தரவின்படி ராமேசுவரம் கோவிலில் 1–வது தீர்த்தம் இடமாற்றம்; பக்தர்கள் புனித நீராடினர்
மதுரை ஐகோர்ட்டு உத்தரவின்படி ராமேசுவரம் கோவிலில் 1–வது தீர்த்தம் நேற்று இடமாற்றம் செய்யப்பட்டது. அங்கு பக்தர்கள் புனித நீராடினர்.