மாவட்ட செய்திகள்

காசிமேட்டில் ஆக்கிரமிப்புகளை அகற்ற மீனவர்கள் எதிர்ப்பு + "||" + Fishermen protest to eliminate occupations in Kashimet

காசிமேட்டில் ஆக்கிரமிப்புகளை அகற்ற மீனவர்கள் எதிர்ப்பு

காசிமேட்டில் ஆக்கிரமிப்புகளை அகற்ற மீனவர்கள் எதிர்ப்பு
காசிமேடு மீன்பிடி துறைமுகத்தில் புதிய மேம்பாலம் அமைப்பதற்கு தடையாக இருக்கும் ஆக்கிரமிப்பு கடைகளை அகற்றுவதற்கு மீனவர்கள் எதிர்ப்பு தெரிவித்ததால் பரபரப்பு ஏற்பட்டது.
திருவொற்றியூர்,

காசிமேடு பகுதியில் எண்ணூர் விரைவு சாலை, சென்னை துறைமுகம் இணைப்பு சாலை திட்டம் நிறைவு பெறுவதற்கு மீன்பிடி துறைமுகம் அருகே மேம்பாலம் கட்ட முடிவு செய்யப்பட்டது. ஆனால் இதற்கு எதிர்ப்பு கிளம்பியது. இதுதொடர்பாக கடந்த 7 வருடங்களாக பேச்சு வார்த்தை நடத்தி வந்தனர். இதில் முடிவு எட்டப்படாமல் நிலுவையில் இருந்து வந்தது.


இந்தநிலையில் கடந்த வாரம் காசிமேடு மீன்பிடி துறைமுகத்தில் மேம்பாலம் கட்டுவதற்கு தடையாக இருக்கும் ஆக்கிரமிப்பு கடைகளை அகற்றுவதற்கு கால அவகாசம் கொடுத்து நோட்டீஸ் வினியோகிக்கப்பட்டது. ஆனால் கால அவகாசம் நிறைவடைந்தும் பலர் கடைகளை அகற்றவில்லை.

இதனையடுத்து சென்னை துறைமுக அதிகாரிகளும், வருவாய்த்துறையினரும் பலத்த போலீஸ் பாதுகாப்புடன் காசிமேடு மீன்பிடி துறைமுகத்தில் ஆக்கிரமிப்பு கடைகளை அகற்றுவதற்காக நேற்று காலை வந்தனர். இதற்கு எதிர்ப்பு தெரிவித்து மீனவர்கள் போராட்டத்தில் ஈடுபட்டனர்.

ஏற்கனவே மேம்பாலம் கட்டுவதற்கு ஒதுக்கப்பட்டுள்ள திட்ட அளவில் மட்டுமே கட்ட வேண்டும் என்றும், தற்போது கூடுதலாக இடம் கேட்பதால் தங்களின் வாழ்வாதாரம் பாதிக்கப்படும் என்றும் கூறி எதிர்ப்பு தெரிவித்தனர். இதனால் அப்பகுதியில் பரபரப்பு ஏற்பட்டது.

இதனையடுத்து துறைமுக அதிகாரிகளுடன் வண்ணாரப்பேட்டை போலீஸ் துணை கமிஷனர் கலைச்செல்வன் பேச்சுவார்த்தை நடத்தினார். ஏற்கனவே குறித்த இடத்தில் பணிகளை தொடங்குவதற்கு இடம் வழங்க மீனவர்கள் ஒப்புக்கொண்டனர்.

பின்னர் வருவாய்த்துறையினர் இடங்களை அளந்து கொடுத்தனர். இதனையடுத்து மீனவர்கள் தாங்களாகவே முன்வந்து 7 நாட்களுக்குள் அப்புறப்படுத்தி கொள்வதாக உறுதி அளித்தனர் இதனையடுத்து அதிகாரிகள் கலைந்து சென்றனர்.

தொடர்புடைய செய்திகள்

1. காதலுக்கு எதிர்ப்பு: விஷம் குடித்து இளம்பெண் தற்கொலை காதலன் ஆபத்தான நிலையில் சிகிச்சை
காதலுக்கு எதிர்ப்பு கிளம்பியதால் இளம்பெண் விஷம் குடித்து தற்கொலை செய்து கொண்டார். அவரது காதலன் ஆபத்தான நிலையில் சிகிச்சை பெற்று வருகிறார்.
2. பனித்திட்டு அருகே நடுக்கடலில் படகில் ஓட்டை விழுந்தது; 5 மீனவர்கள் உயிர் தப்பினர்
மீன் பிடிக்கச் சென்றபோது பனித்திட்டு அருகே நடுக்கடலில் படகு மூழ்கியது. இதில் 5 மீனவர்கள் உயிர் தப்பினர்.
3. ஜெகதாப்பட்டினம் மீனவர்கள் வலையில் சிக்கிய கூரல் மீன்கள் ரூ.1 கோடிக்கு ஏலம் போனது
ஜெகதாப்பட்டினம் மீனவர்கள் வலையில் அதிக அளவில் கூரல் மீன்கள் சிக்கின. இந்த மீன்கள் ரூ.1 கோடிக்கு மேல் ஏலம் போனது.
4. கீழ்வேளூர் அருகே, தி.மு.க. கொடி மேடையை அகற்ற கட்சியினர் எதிர்ப்பு - அதிகாரிகளை முற்றுகையிட்டதால் பரபரப்பு
கீழ்வேளூர் அருகே தி.மு.க. கொடி மேடையை அகற்ற கட்சியினர் எதிர்ப்பு தெரிவித்து அதிகாரிகளை முற்றுகையிட்டதால் பரபரப்பு ஏற்பட்டது.
5. தமிழக மீனவர்கள் 11 பேர் சிறைபிடிப்பு இலங்கை கடற்படையினர் நடவடிக்கை
தமிழக மீனவர்கள் 11 பேரை இலங்கை கடற்படையினர் சிறை பிடித்தனர்.