மாவட்ட செய்திகள்

திண்டுக்கல்லில் பரபரப்பு: பட்டதாரி வாலிபர் வெட்டி படுகொலை + "||" + n Dindigul Furore: Kill the graduate youngster

திண்டுக்கல்லில் பரபரப்பு: பட்டதாரி வாலிபர் வெட்டி படுகொலை

திண்டுக்கல்லில் பரபரப்பு: பட்டதாரி வாலிபர் வெட்டி படுகொலை
திண்டுக்கல்லில் பட்டதாரி வாலிபர் வெட்டி படுகொலை செய்யப்பட்டார்.
திண்டுக்கல்,

திண்டுக்கல்லில் பட்டதாரி வாலிபர் வெட்டி படுகொலை செய்யப்பட்ட சம்பவம் பரபரப்பை ஏற்படுத்தியது.

இதுகுறித்து போலீஸ் தரப்பில் கூறப்பட்டதாவது:-

திண்டுக்கல் சோலைஹால் ரோடு நெட்டுத்தெருவை சேர்ந்தவர் பாண்டியன். இவருடைய மகன் சூரியபிரகாஷ் (வயது 25). இவர் திண்டுக்கல்லில் உள்ள ஒரு கல்லூரியில் பி.சி.ஏ. படித்துவிட்டு வேலை தேடிக்கொண்டிருந்தார். நேற்று இரவு 9 மணிக்கு மேல் திண்டுக்கல் ஆர்.எஸ். ரோட்டில் உள்ள ஒரு கடையின் அருகில் நின்றுகொண்டிருந்தார்.


அப்போது அங்கு மோட்டார் சைக்கிளில் வந்த மர்ம நபர்கள் 2 பேர், கண்இமைக்கும் நேரத்துக்குள் சூரியபிரகாஷை சரமாரியாக வெட்டிவிட்டு தப்பிச்சென்றுவிட்டனர். படுகாயங்களுடன் ரத்தவெள்ளத்தில் கீழே சரிந்த சூரியபிரகாஷை அக்கம்பக்கத்தினர் மீட்டு 108 ஆம்புலன்ஸ் மூலம் சிகிச்சைக்காக திண்டுக்கல் அரசு மருத்துவமனைக்கு அனுப்பி வைத்தனர். ஆனால் வழியிலேயே அவர் பரிதாபமாக இறந்தார்.

சம்பவம் குறித்து தகவலறிந்த கூடுதல் போலீஸ் சூப்பிரண்டு சுகாசினி, போலீஸ் துணை சூப்பிரண்டு மணிமாறன் மற்றும் திண்டுக்கல் வடக்கு போலீசார் விரைந்து சென்று விசாரணை நடத்தினர். அப்போது சூரியபிரகாசுக்கும் அதே பகுதியை சேர்ந்த ஒரு தரப்பினருக்கும் முன்விரோதம் இருந்து வந்தது தெரியவந்தது. எனவே முன்விரோதம் காரணமாக இந்த கொலை நடந்ததா? அல்லது வேறு ஏதேனும் காரணமா? என்று போலீசார் தீவிர விசாரணை நடத்தி வருகின்றனர். மேலும் மோட்டார் சைக்கிளில் தப்பிச்சென்ற மர்ம நபர்களையும் வலைவீசி தேடி வருகின்றனர். இந்த சம்பவம் திண்டுக்கல்லில் பரபரப்பை ஏற்படுத்தியது.


தொடர்புடைய செய்திகள்

1. ஆழ்துளை கிணறை மூட வேண்டுகோள் விடுத்தவரிடம் கடிந்து கொண்ட கரூர் கலெக்டர் சமூக வலைத்தளங்களில் பரவும் ஆடியோவால் பரபரப்பு
ஆழ்துளை கிணறை மூட வேண்டுகோள் விடுத்தவரிடம், நாங்கள் என்ன ஓட்டல் சர்வர்களா...? என்று கரூர் கலெக்டர் கடிந்து கொண்டதாக ஒரு ஆடியோ சமூக வலைத்தளங்களில் பரவி வருவதால் பரபரப்பு ஏற்பட்டுள்ளது.
2. புறம்போக்கு நிலத்தை பயன்படுத்தக்கோரி கிராம மக்கள் கலெக்டர் அலுவலகத்தை முற்றுகையிட்டதால் பரபரப்பு
அரசு கட்டிடங்கள் கட்ட புறம்போக்கு நிலங்களை பயன்படுத்தக்கோரி கிழுமத்தூர் கிராம மக்கள் பெரம்பலூர் கலெக்டர் அலுவலகத்தை முற்றுகையிட்டதால் பரபரப்பு ஏற்பட்டது.
3. திண்டுக்கல் அரசு மருத்துவமனையில் காய்ச்சல் நோயாளிகளின் எண்ணிக்கை அதிகரிப்பு
திண்டுக்கல் அரசு மருத்துவமனையில் காய்ச்சலுக்காக சிகிச்சை பெறும் நோயாளிகளின் எண்ணிக்கை அதிகரித்து வருகிறது.
4. திண்டுக்கல் உள்பட 7 ஊர்களுக்கு குடிநீர் வழங்கும் காமராஜர் அணை நீர்மட்டம் 10 அடியாக உயர்வு
திண்டுக்கல் உள்பட 7 ஊர்களுக்கு குடிநீர் வழங்கும் ஆத்தூர் காமராஜர் அணையின் நீர்மட்டம் 10 அடியாக உயர்ந்தது.
5. மகனின் திருமணத்திற்கு பத்திரிகை கொடுத்துவிட்டு காரில் வந்த தம்பதி கடத்தல்? கரூரில் பரபரப்பு
மகனின் திருமணத்திற்கு பத்திரிகை கொடுத்து விட்டு காரில் வந்த தம்பதி கடத்தப்பட்டார்களா? என கரூரில் பரபரப்பு ஏற்பட்டுள்ளது.