மாவட்ட செய்திகள்

பவானியில் போலீஸ்காரரை இரும்பு கம்பியால் தாக்கிய தொழிலாளி கைது + "||" + Worker arrested for attack policeman bt iron rod

பவானியில் போலீஸ்காரரை இரும்பு கம்பியால் தாக்கிய தொழிலாளி கைது

பவானியில் போலீஸ்காரரை இரும்பு கம்பியால் தாக்கிய தொழிலாளி கைது
பவானியில், போலீஸ்காரரை இரும்பு கம்பியால் தாக்கிய தொழிலாளி கைது செய்யப்பட்டார்.

அந்தியூர்,

ஈரோடு மாவட்டம் வெள்ளித்திருப்பூர் அருகே உள்ள சனிச்சந்தை அண்ணா நகர் பகுதியை சேர்ந்தவர் ரங்கராஜன். இவருடைய மகன் கார்த்தி (வயது 24). இவர் ஈரோடு ஆயுதப்படை பிரிவில் போலீசாக பணியாற்றி வருகிறார்.

நேற்று முன்தினம் இரவு பணியை முடித்துவிட்டு ஈரோட்டில் இருந்து வெள்ளித்திருப்பூர் நோக்கி ஒரு அரசு பஸ்சில் வந்து கொண்டு இருந்தார். பஸ் பவானி பஸ் நிலையம் அருகே வந்தபோது அந்த பஸ்சில் வாலிபர் ஒருவர் ஏறினார். அந்த வாலிபர் குடிபோதையில் இருந்ததாக கூறப்படுகிறது. அப்போது அவர், பஸ் பயணிகளிடம் தகராறில் ஈடுபட்டார். இதனை கவனித்த போலீஸ்காரர் கார்த்தி, தகராறில் ஈடுபட்டவரிடம், குடிபோதையில் பயணிகளிடம் ஏன் தகராறு செய்கிறாய்? என்று தட்டிக்கேட்டு உள்ளார்.

இதனால் ஆத்திரமடைந்த அந்த வாலிபர் தான் மறைத்து வைத்திருந்த இரும்பு கம்பியால், கார்த்தியை சரமாரியாக தாக்கி உள்ளார். இதனால் அவருக்கு படுகாயம் ஏற்பட்டது. இதனை கவனித்த பஸ்சில் இருந்த பயணிகள் சத்தம் போட்டனர். அதனால் பஸ் அங்கு நிறுத்தப்பட்டது. உடனே போலீசை தாக்கிய வாலிபர் அங்கிருந்து தப்பிஓடிவிட்டார். இதைத்தொடர்ந்து பயணிகள், கார்த்தியை மீட்டு சிகிச்சைக்காக அந்தியூரில் உள்ள ஒரு தனியார் மருத்துவமனையில் சேர்த்தனர். இதுகுறித்த புகாரின் பேரில் வெள்ளித்திருப்பூர் போலீசார் வழக்குப்பதிவு செய்து, ஆயுதப்படை போலீசை தாக்கிய வாலிபரை வலைவீசி தேடி வந்தனர்.

இந்தநிலையில் நேற்று வெள்ளித்திருப்பூர் போலீஸ் சப்–இன்ஸ்பெக்டர் ஆனந்தகுமார் மற்றும் போலீசார் ஒலகடம் பகுதியில் ரோந்து சென்றனர். அப்போது அங்கு சந்தேகப்படும் வகையில் வாலிபர் ஒருவர் நின்று கொண்டு இருந்தார். அவரை பிடித்து போலீசர் விசாரணை நடத்தினார்கள்.

விசாரணையில் அவர் ஒலகடம் பகுதியை சேர்ந்த கூலித்தொழிலாளியான முகமது அலி ஜின்னா (26) என்பதும், இவர்தான் குடிபோதையில் பஸ்சில் பயணம் செய்ய பயணிகளிடம் தகராறில் ஈடுபட்டதோடு, ஆயுதப்படை போலீஸகாரர் கார்த்தியை இரும்பு கம்பியால் தாக்கியதும் தெரியவந்தது. இதைத்தொடர்ந்து போலீசார், முகமது அலி ஜின்னாவை கைது செய்தனர். மேலும் பவானி கோர்ட்டில் அவரை ஆஜர்படுத்தி சிறையில் அடைத்தனர்.


தொடர்புடைய செய்திகள்

1. திருப்பூரில் ஏற்றுமதி நிறுவனம் நடத்தி ரூ.2½ கோடி மோசடி; பாதிக்கப்பட்டவர்கள் பணத்தை கேட்டு போலீஸ் நிலையத்தை முற்றுகையிட்டனர்
திருப்பூரில் ஏற்றுமதி நிறுவனம் நடத்தி சுமார் ரூ.2½ கோடி மோசடி செய்தவரிடம் இருந்து பணத்தை மீட்டு தரக்கோரி பாதிக்கப்பட்டவர்கள் வீரபாண்டி போலீஸ் நிலையத்தை முற்றுகையிட்டதால் பரபரப்பு ஏற்பட்டது.
2. திருவண்ணாமலையில் போலி பெண் டாக்டர் மீண்டும் கைது
திருவண்ணாமலையில் கருக்கலைப்பில் ஈடுபட்ட போலி பெண் டாக்டர் மீண்டும் கைது செய்யப்பட்டார். அவருக்கு உடந்தையாக இருந்த வாலிபரும் பிடிபட்டார்.
3. திருப்பூர் மாநகர பகுதிகளில் மது விற்ற 8 பேர் கைது
திருப்பூர் மாநகர பகுதிகளில் மதுவிற்ற 8 பேர் கைது செய்யப்பட்டனர். அவர்களிடம் இருந்து 216 மதுபாட்டில்கள் பறிமுதல் செய்யப்பட்டது.
4. நாகூர் அருகே, நூதன முறையில் சாராயம் கடத்திய 2 பேர் கைது
நாகூர் அருகே நூதன முறையில் சாராயம் கடத்தி வந்த 2 பேரை போலீசார் கைது செய்தனர். மேலும் கடத்தலுக்கு பயன்படுத்திய மோட்டார் சைக்கிளை பறி முதல் செய்தனர்.
5. வீட்டில் பதுக்கிய ரூ.15 லட்சம் கடல் அட்டைகள் பறிமுதல்; 3 பேர் கைது
வீட்டில் பதுக்கிய ரூ.15 லட்சம் மதிப்பிலான கடல் அட்டைகளை வனத்துறையினர் பறிமுதல் செய்ததுடன், இதுதொடர்பாக 3 பேரை கைது செய்தனர்.