மாவட்ட செய்திகள்

கொடைக்கானலில் கொட்டி தீர்த்த மழை, நீர்வீழ்ச்சிகளில் வெள்ளம் ஆர்ப்பரித்து கொட்டியது + "||" + Rain poured out in Kodaikanal, Floods were flooding the falls

கொடைக்கானலில் கொட்டி தீர்த்த மழை, நீர்வீழ்ச்சிகளில் வெள்ளம் ஆர்ப்பரித்து கொட்டியது

கொடைக்கானலில் கொட்டி தீர்த்த மழை, நீர்வீழ்ச்சிகளில் வெள்ளம் ஆர்ப்பரித்து கொட்டியது
கொடைக்கானல் பகுதியில் கொட்டி தீர்த்த பலத்த மழையால் நீர்வீழ்ச்சிகளில் வெள்ளப்பெருக்கு ஏற்பட்டது.
கொடைக்கானல்,

திண்டுக்கல் மாவட்டம் கொடைக்கானல் பகுதியில் வழக்கமாக ஜூன் மாதம் 1-ந் தேதி தென்மேற்கு பருவமழை பெய்ய தொடங்கும். ஆனால் இந்த ஆண்டு சரியான நேரத்தில் மழை பெய்ய தொடங்காததால் நிலையில் நகருக்கு குடிநீர் வழங்கும் அணைகளில் நீர்மட்டம் வெகுவாக குறைந்து வந்தது.

இதன்காரணமாக நகர் மட்டுமின்றி கிராமப்பகுதிகளில் குடிநீர் தட்டுப்பாடு ஏற்படும் நிலை உருவானது. இந்நிலையில் நேற்று முன்தினம் மதியம் ஒரு மணி நேரம் மிதமான மழை பெய்தது. இருப்பினும் இரவு நேரத்தில் லேசான சாரல் மழை பெய்தது.

அதனைத்தொடர்ந்து நேற்று காலையில் லேசான மேகமூட்டம் நிலையில் நிலவியது. பின்னர் பகல் 12 மணி முதல் ஒரு மணி வரை நகரின் பல்வேறு பகுதிகளில் பலத்த மழை கொட்டி தீர்த்தது. இதனால் நகரை ஒட்டியுள்ள வெள்ளிநீர் வீழ்ச்சி, பியர்சோழா நீர்வீழ்ச்சி உள்ளிட்ட நீர்வீழ்ச்சிகளில் தண்ணீர் ஆர்ப்பரித்து கொட்டியது. மேலும் நகருக்கு குடிநீர் வழங்கும் அணைகளுக்கும் நீர்வரத்து ஏற்பட்டது.

இந்த மழை காரணமாக நகர் மற்றும் கிராம பகுதிகளில் நிலவி வரும் குடிநீர் தட்டுப்பாட்டுக்கு தீர்வு ஏற்படும். பலத்த மழையை தொடர்ந்து அவ்வப்போது சாரல் மழையும் பெய்து கொண்டே இருந்ததன் காரணமாக பொதுமக்களின் இயல்பு வாழ்க்கை பாதிக்கப்பட்டது. அத்துடன் அடர்ந்த மேக மூட்டம் நிலவியதால் எதிரே வரும் வாகனங்கள் தெரியாத நிலையில் வாகன ஓட்டிகள் மிகவும் சிரமம் அடைந்தனர்.

திண்டுக்கல்லில் கடந்த சில நாட்களாக வெயிலின் தாக்கம் சற்று அதிகமாக இருந்தது. அதன்படி நேற்று காலையில் இருந்தே வெப்பத்தின் தாக்கம் இருந்தது. வெப்பத்தின் தாக்கத்தில் இருந்து தப்பிக்க இளநீர், குளிர்பான கடைகளை தேடி பொதுமக்கள் சென்றனர். இந்த நிலையில் மதியம் 2 மணிக்கு திடீரென வானில் கருமேகங்கள் சூழ்ந்தன. அதைத்தொடர்ந்து சாரல் மழையும் பெய்தது. சிறிது நேரத்தில் அது பலத்த மழையாக மாறியது. இதன் காரணமாக நகரின் முக்கிய சாலையோரங்களில் மழைநீர் தேங்கியது. திண்டுக்கல் நகரை குளிர்விக்கும் விதமாக பெய்த இந்த மழையால் பொதுமக்கள் மகிழ்ச்சியடைந்தனர். 

தொடர்புடைய செய்திகள்

1. பலத்த மழையால் பொது விடுமுறை விடப்பட்டது ; 1000 பேர் பாதுகாப்பான இடங்களுக்கு மாற்றம்
5-வது நாளாக பெய்த பலத்த மழை காரணமாக மும்பை முடங்கியது. அரசு சார்பில் பொது விடுமுறை விடப்பட்டது. 1000 பேர் பாதுகாப்பான இடங்களுக்கு மாற்றப்பட்டனர். மேலும் 3 நாட்களுக்கு கனமழை எச்சரிக்கை விடுக்கப்பட்டு உள்ளது.
2. 4-வது நாளாக கொட்டி தீர்த்த மழை : வெள்ளத்தில் மிதக்கும் மும்பை
மும்பையில் நேற்று 4-வது நாளாக பலத்த மழை கொட்டி தீர்த்ததால், நகரின் தாழ்வான பகுதிகள் வெள்ளத்தில் மிதக்கின்றன. தானே, பால்கர் மாவட்டங்களிலும் மக்களின் இயல்பு வாழ்க்கை முடங்கியது. மீண்டும் மிக கனமழை பெய்யும் என வானிலை ஆய்வு மையம் எச்சரிக்கை விடுத்து உள்ளது.
3. தானே, பால்கரில் பலத்த மழை : கல்யாணில் 3 மாடி கட்டிடம் இடிந்து விழுந்தது
தானே, பால்கரில் பலத்த மழை கொட்டியது. கல்யாணில் 3 மாடி கட்டிடம் இடிந்து விழுந்தது. பால்கரில் ஆற்றங்கரையோரம் வசிப்பவர்களுக்கு வெள்ள அபாய எச்சரிக்கை விடப்பட்டுள்ளது.
4. கூடலூரில் பலத்த மழை
கூடலூரில் பலத்த மழை பெய்தது.
5. மும்பையில் இடி, மின்னலுடன் பலத்த மழை : பொதுமக்கள் மகிழ்ச்சி
மும்பையில் நேற்று இரவு இடி, மின்னலுடன் பலத்த மழை பெய்தது. இதனால் பொதுமக்கள் மகிழ்ச்சி அடைந்தனர்.