மாவட்ட செய்திகள்

கொப்பரை தேங்காய்களை கொள்முதல் செய்ய அரசு முடிவு கலெக்டர் உமா மகேஸ்வரி தகவல் + "||" + Uma Maheshwari, District Collector, Government Decision on Purchase of Copper Coconuts

கொப்பரை தேங்காய்களை கொள்முதல் செய்ய அரசு முடிவு கலெக்டர் உமா மகேஸ்வரி தகவல்

கொப்பரை தேங்காய்களை கொள்முதல் செய்ய அரசு முடிவு கலெக்டர் உமா மகேஸ்வரி தகவல்
புதுக்கோட்டை மாவட்டத்தில் கொப்பரை தேங்காய்களை கொள்முதல் செய்ய அரசு முடிவு செய்து உள்ளது என கலெக்டர் உமா மகேஸ்வரி தெரிவித்து உள்ளார்.
புதுக்கோட்டை,

தமிழ்நாட்டில் விவசாய உற்பத்தி அதிகரிக்கவும், விவசாயிகள் தங்கள் விளைபொருட்களுக்கு நல்ல விலை பெறுவதற்கும் தமிழ்நாடு அரசு அனைத்து நடவடிக்கைகளையும் மேற்கொண்டு வருகிறது. தற்பொழுது கொப்பரை தேங்காய் விலை குறைந்து உள்ளதால், தென்னை விவசாயிகளுக்கு உதவிடும் வகையில் விலை ஆதரவு திட்டத்தில் குறைந்தபட்ச ஆதார விலையில் கொப்பரை தேங்காய் கொள்முதல் செய்ய அரசு முடிவு செய்து உள்ளது.


புதுக்கோட்டை மாவட்டத்தில் 10 ஆயிரத்து 76 எக்டர் பரப்பில் தென்னை சாகுபடி செய்யப்பட்டு உள்ளது. தேங்காய் விலை குறையும்போது விவசாயிகள் அவற்றை மதிப்புக்கூட்டி கொப்பரை தேங்காய் விற்பனை செய்கின்றனர். புதுக்கோட்டை மாவட்டத்தில் ஆலங்குடி ஒழுங்குமுறை விற்பனை கூடத்தின் மூலம் 450 மெட்ரிக் டன் அரவை கொப்பரையும், 50 மெட்ரிக் டன் பந்து கொப் பரையும் கொள்முதல் செய்ய அனுமதி வழங்கப்பட்டு உள்ளது.

ஆலங்குடி ஒழுங்குமுறை விற்பனை கூடம் முதன்மை கொள்முதல் நிலையமாகவும், அறந்தாங்கி தென்னை வணிக வளாகம் துணை கொள்முதல் நிலையமாகவும் அறிவிக்கப்பட்டு உள்ளது. மத்திய அரசினால் 2019-ம் ஆண்டில் அறிவிக்கப்பட்ட குறைந்தபட்ச ஆதரவு விலையான பந்து கொப்பரைக்கு கிலோ ஒன்றிற்கு ரூ.99.20 மற்றும் அரவை கொப்பரைக்கு ரூ.95.21 என்ற விலையிலும் கொள்முதல் செய்யப்படும். கொப்பரை கொள்முதல் கடந்த 7-ந் தேதி முதல் வருகிற ஜனவரி மாதம் 6-ந் தேதி வரை 6 மாதங்களுக்கு நடைமுறையில் இருக்கும்.

இத்திட்டத்தில் விவசாயிகள் பயனடைய ஆலங்குடி மற்றும் அறந்தாங்கி ஒழுங்குமுறை விற்பனை கூடத்தினை அணுகி தங்களது சிட்டா, அடங்கல், ஆதார் அட்டை நகல் மற்றும் வங்கி கணக்கு புத்தக நகல் ஆகியவற்றை சமர்ப்பித்து பதிவு செய்ய வேண்டும். விவசாயிகளின் கொப்பரைக்கான தொகை நேரடியாக அவர்களது வங்கி கணக்கில் செலுத்தப்படும்.

அரவை கொப்பரையின் குறைந்தபட்ச தரம், அயல் பொருட்கள் (1 சதவீதம்), பூஞ்சாணம் மற்றும் கருமை நிறம் கொண்ட கொப்பரை 10 சதவீதம் (எண்ணிக்கையில்), சுருக்கம் கொண்ட கொப்பரை 10 சதவீதம் (எண்ணிக்கையில்), சில்லுகள் 10 சதவீதம் (எடையில்) ஈரப்பதம் 6 சதவீதம் கொண்டதாக இருக்கலாம். பந்து கொப்பரையின் குறைந்தபட்ச தரம் சுற்றளவு 75 மி.மீ., அயல் பொருட்கள் 0.2 சதவீதம் (எடையில்), பூஞ்சாணம் மற்றும் கருமை நிறம் கொண்ட கொப்பரை 2 சதவீதம் (எண்ணிக்கையில்), சுருக்கம் கொண்ட கொப்பரைகள் 10 சதவீதம் (எண்ணிக்கையில்), சில்லுகள் 1 சதவீதம் (எடையில்) ஈரப்பதம் 7 சதவீதம் கொண்டதாக இருக்கலாம்.

இவ்வாறு அதில் கூறியுள்ளார்.

தொடர்புடைய செய்திகள்

1. அரியலூர் மாவட்டத்தில் நீர் நிலைகளில் வண்டல் மண்ணை விவசாயிகள் எடுத்துக்கொள்ளலாம் கலெக்டர் தகவல்
அரியலூர் மாவட்ட நீர் நிலைகளில் உள்ள வண்டல் மண்ணை விவசாயிகள் இலவசமாக எடுத்து கொள்ளலாம் என்று கலெக்டர் டி.ஜி.வினய் தெரிவித்தார்.
2. சரக்கு, சேவை வரிக்கான புதிய சான்று பெற இ-சேவை மையத்தில் பதிவு கலெக்டர் எஸ்.சிவராசு தகவல்
விவசாயிகள் பங்களிப்புடன் குடிமராமத்து பணி நடக்க இருப்பதாகவும், சரக்கு மற்றும் சேவை வரிக்கான புதிய சான்று பெறுவதற்கு இ-சேவை மையத்தில் பதிவு செய்ய ஏற்பாடு செய்யப்பட்டுள்ளதாகவும் கலெக்டர் எஸ்.சிவராசு தெரிவித்தார்.
3. குடிமராமத்து பணிகளை மழைக்காலம் தொடங்கும் முன்பு முடிக்க வேண்டும் அதிகாரிகளுக்கு கலெக்டர் உத்தரவு
குடிமராமத்து பணிகளை மழைக்காலம் தொடங்கும் முன்பு முடிக்க வேண்டும் என்று அதிகாரிகளுக்கு கலெக்டர் எஸ்.சிவராசு உத்தரவிட்டுள்ளார்.
4. நுண்ணீர் பாசன திட்டத்தின் கீழ் விவசாயிகள் பயன்பெறலாம் கலெக்டர் அன்பழகன் தகவல்
நுண்ணீர் பாசன திட்டத்தின் கீழ் விவசாயிகள் பயன்பெறலாம் என கலெக்டர் அன்பழகன் தெரிவித்துள்ளார்.
5. கைதான 5 பேர் குறித்து விசாரணை நடத்த மதுரை, ராமநாதபுரத்துக்கு வந்த தேசிய புலனாய்வு முகமை அதிகாரிகள்; கலெக்டர்–போலீஸ் அதிகாரிகளுடன் ஆலோசனை
கைதான அன்சாருல்லா இயக்கத்தைச் சேர்ந்த 5 பேர் குறித்து மதுரையிலும், ராமநாதபுரம் மாவட்டத்திலும் விசாரணை மேற்கொள்ள தேசிய புலனாய்வு முகமை அதிகாரிகள் வந்தனர். அவர்கள் நேற்று கலெக்டர் மற்றும் போலீஸ் அதிகாரிகளை சந்தித்தும் ஆலோசனை நடத்தினர்.