மாவட்ட செய்திகள்

திருச்சி நகைக்கடை கொள்ளையில் தொடர்பு: பெண் உள்பட 2 பேர் மீது குண்டர் சட்டம் பாய்ந்தது + "||" + Trichy jewelery robbery involved

திருச்சி நகைக்கடை கொள்ளையில் தொடர்பு: பெண் உள்பட 2 பேர் மீது குண்டர் சட்டம் பாய்ந்தது

திருச்சி நகைக்கடை கொள்ளையில் தொடர்பு: பெண் உள்பட 2 பேர் மீது குண்டர் சட்டம் பாய்ந்தது
திருச்சி நகைக்கடை கொள்ளையில் தொடர்புடைய பெண் உள்பட 2 பேர் மீது குண்டர் சட்டம் பாய்ந்தது.
திருச்சி,

திருச்சி சத்திரம் பஸ் நிலையம் அருகே உள்ள லலிதா ஜூவல்லரியில் கடந்த மாதம் 2-ந் தேதி ரூ.12 கோடியே 31 லட்சம் மதிப்புள்ள 28½ கிலோ தங்க நகைகள் கொள்ளை போனது. இந்த கொள்ளை சம்பவத்தில் திருவாரூர் மாவட்டம் சீராத்தோப்பை சேர்ந்த பிரபல கொள்ளையன் முருகன், அவரது அக்காள் மகன் சுரேஷ், மதுரை வாடிப்பட்டியை சேர்ந்த கணேசன் உள்பட 5 பேர் ஈடுபட்டது தெரியவந்தது.


இது குறித்து கோட்டை குற்றப்பிரிவு போலீசார் வழக்கு பதிந்து விசாரணை நடத்தி வந்தனர். இந்த கொள்ளை சம்பவத்தில் தொடர்புடைய திருவாரூர் மடப்புரத்தை சேர்ந்த மணிகண்டன் (வயது 34), திருவாரூர் சீராத்தோப்பை சேர்ந்த முருகனின் அக்காள் கனகவள்ளி(57) ஆகியோரை போலீசார் கைது செய்தனர்.

குண்டர் சட்டம் பாய்ந்தது

இவர்களிடம் இருந்து 4¾ கிலோ தங்க நகைகள் பறிமுதல் செய்யப்பட்டன. பின்னர் இருவரையும் கோர்ட்டில் ஆஜர்படுத்தி சிறையில் அடைக்கப்பட்டனர்.

மேலும், விசாரணையில் இவர்கள் இருவரும் தொடர்ந்து குற்றம் செய்யும் எண்ணத்தில் இருந்ததால் இருவரையும் குண்டர் சட்டத்தின் கீழ் கைது செய்ய மாநகர போலீஸ் கமிஷனர் அமல்ராஜ் உத்தரவிட்டார். இதையடுத்து திருச்சி சிறையில் அடைக்கப்பட்டு இருந்த இருவரிடமும் குண்டர் சட்டத்தில் கைது செய்ததற்கான உத்தரவு நகல் வழங்கப்பட்டது.

தொடர்புடைய செய்திகள்

1. வங்கி கொள்ளையன் திருவாரூர் சுரேசிடம் போலீசார் மீண்டும் விசாரணை 1¾ கிலோ தங்க நகைகளை மீட்க நடவடிக்கை
வங்கி கொள்ளையன் திருவாரூர் சுரேசிடம் போலீசார் மீண்டும் விசாரணை நடத்தி வருகின்றனர். 1¾ கிலோ தங்க நகைகளை மீட்க நடவடிக்கை எடுக்கப்பட்டு வருகிறது.
2. ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு அனுமதி
ஸ்ரீரங்கம் கோர்ட்டில் ஆஜர்படுத்தப்பட்ட கணேசனிடம் மீண்டும் 6 நாள் விசாரிக்க போலீசாருக்கு கோர்ட்டு அனுமதி வழங்கி உள்ளது. மேலும், 3 கிலோ தங்க நகைகளும் பறிமுதல் செய்யப்பட்டது.
3. தொழிலதிபர் வீட்டில் கொள்ளையடித்த வாலிபர் கைது நகை-பணம் பறிமுதல்
குத்தாலம் அருகே தொழிலதிபர் வீட்டில் கொள்ளையடித்த வாலிபரை போலீசார் கைது செய்து, அவரிடம் இருந்து நகை-பணத்தை பறி முதல் செய்தனர்.
4. ஸ்ரீவில்லிபுத்தூர் பகுதியில் துணிகரம்: அ.ம.மு.க. பிரமுகர்–வியாபாரி வீட்டில் 134 பவுன், ரூ.5½ லட்சம் கொள்ளை
ஸ்ரீவில்லிபுத்தூர் பகுதியில் அ.ம.மு.க. பிரமுகர்– வியாபாரி வீட்டில் 134 பவுன், ரூ.5½ லட்சம் கொள்ளையடிக்கப்பட்ட சம்பவம் பரபரப்பை ஏற்படுத்தி உள்ளது.
5. திருச்சி நகைக்கடை கொள்ளை வழக்கு: போலீஸ் இன்ஸ்பெக்டருக்கு ரூ.19 லட்சம் கொடுத்த கொள்ளையன் முருகன்
திருச்சி நகைக்கடை கொள்ளை வழக்கு விசாரணையின்போது, போலீஸ் இன்ஸ்பெக்டருக்கு ரூ.19 லட்சத்தை பிரபல கொள்ளையன் முருகன் கொடுத்ததாக பரபரப்பு தகவல் வெளியாகி உள்ளது. மேலும் பிரபல நடிகையிடம் விசாரிக்க பெங்களூரு போலீசார் சென்னை விரைந்தனர்.