மாவட்ட செய்திகள்

7-வது சர்வதேச யோகா தினம் கடைபிடிப்பு + "||" + 7th International Yoga Day observance

7-வது சர்வதேச யோகா தினம் கடைபிடிப்பு

7-வது சர்வதேச யோகா தினம் கடைபிடிப்பு
7-வது சர்வதேச யோகா தினம் கடைபிடிப்பு.
சென்னை,

உடலுக்கு ஆரோக்கியம் சேர்க்கும் வகையில் ஆயிரம் ஆண்டுகளுக்கு முன்னர் இந்தியாவில் தோன்றிய யோகா கலை, தற்போது உலகமெங்கும் பரவி கிடக்கிறது. கடந்த 2014-ம் ஆண்டு முதல் ஒவ்வொரு ஆண்டும் ஜூன் மாதம் 21-ந்தேதி சர்வதேச யோகா தினம் கடைப்பிடிக்கப்படுகிறது. அந்தவகையில் நேற்று 7-வது உலக யோகா தினம் நாடு முழுவதும் கடைப்பிடிக்கப்பட்டது. சென்னை எழும்பூர் குழந்தைகள் நல ஆஸ்பத்திரியில் நடந்த சர்வதேச யோகா தினத்தை மருத்துவமனை இயக்குனர் டாக்டர் எழிலரசி தொடங்கி வைத்தார்.


பின்னர் ஆஸ்பத்திரியில் சிகிச்சை பெற்று வரும் குழந்தைகள் மற்றும் அவர்களின் தாய்மார்களுக்கு யோகா மற்றும் இயற்கை மருத்துவத்துறை மருத்துவ அதிகாரி டாக்டர் லதா, யோகாசனங்களை செய்து காண்பித்து, அதனால் உண்டாகும் உடல் ஆரோக்கியத்தை குறித்து விளக்கி, அவர்களையும் யோகாசனம் செய்ய வைத்தார். இதையடுத்து, அனைவருக்கும் இயற்கை மருத்துவ குணம் அடங்கிய உணவுகள் வழங்கப்பட்டது. இந்தநிகழ்ச்சியில் மருத்துவமனை மக்கள் தொடர்பு அதிகாரி கங்காதரன் உள்ளிட்ட டாக்டர்கள் பலர் கலந்து கொண்டனர்.

இதேபோல், சென்னை எழும்பூர் ரெயில் நிலையத்திலும், ரெயில்வே ஊழியர்கள் மற்றும் ரெயில்வே பாதுகாப்புப்படை சார்பில் சர்வதேச யோகா தினம் கடைப்பிடிக்கப்பட்டது. ரெயில் நிலைய நடைமேடையில் வைத்து நடைபெற்ற நிகழ்ச்சியில், ரெயில்வே ஊழியர்களும், ரெயில்வே பாதுகாப்புப்படையினரும் யோகாசனங்களை செய்தனர். இந்தநிகழ்ச்சியில் ரெயில் நிலைய இயக்குனர் ஜெய வெங்கடேசன் உள்ளிட்ட பலர் கலந்து கொண்டனர்.

தொடர்புடைய செய்திகள்

1. நண்பர்கள் தினம்
நட்பு என்பது சாதி, மதம், பேதங்களை கடந்து வந்த ஒன்று. இந்த நட்புக்கு ஆண், பெண் தெரியாது. ரத்தத்தையும், பணத்தையும் பார்க்க தெரியாது.
2. ஜூலை-1 புலவர் குழந்தை பிறந்த தினம்
தமிழறிஞர் புலவர் குழந்தை 1906-ம் ஆண்டு ஜூலை 1-ந் தேதி பிறந்தார். திண்ணைப் பள்ளியொன்றில் கல்வி பயின்ற இவர், சிறுவயதிலேயே கவிபாடும் திறனைப் பெற்றார்.
3. தேசிய மருத்துவர் தினம்
மருத்துவர்களின் தன்னலமற்ற சேவையை அங்கீகரிக்க உருவாக்கப்பட்டதுதான், மருத்துவர் தினம். ‘உலக மருத்துவ தினம்’ என்று இருந்தாலும், ‘தேசிய மருத்துவ தினம்’என்ற ஒன்றும் கடைப்பிடிக்கப்பட்டு வருகிறது.
4. பன்னாட்டு கூட்டுறவு தினம்
பிரான்ஸ் நாட்டைச் சேர்ந்த சோசலிசவாதியான சார்லஸ் பூரியர், இங்கிலாந்தைச் சேர்ந்த ராபர்ட் ஓவன், டாக்டர் வில்லியம் கிங் ஆகியோரின் சிந்தனையில் உதித்த தத்துவமே, ‘கூட்டுறவு’. இது 1844-ல் ரொக்டேல் நகர தொழிலாளர் களால் செயல்வடிவம் பெற்றது.
5. சர்வதேச யோகா தினம்: தண்ணீரில் மிதந்து யோகா பயிற்சி
சர்வதேச யோகா தினம் இன்று கொண்டாடப்பட்டு வருகிறது.