மராட்டியம்: பேருந்து மீது கண்டெய்னர் லாரி மோதி விபத்து - ஒருவர் பலி, 3 பேர் காயம்

மும்பை,

மராட்டிய மாநிலம், புனேவில் பேருந்து மீது கண்டெய்னர் லாரி மோதி ஏற்பட்ட விபத்தில் ஒருவர் உயிரிழந்தார்.

மராட்டிய மாநில அரசு பேருந்து ஒன்று புனே நோக்கி சென்று கொண்டிருந்தது. அதிகாலை 12.30 மணியளவில் புனே-சாஸ்வாட் சாலையில் பேருந்து சென்று கொண்டிருந்த போது எதிர்பாராத விதமாக பேருந்து மீது கண்டெய்னர் லாரி மோதியது.

இந்த விபத்தில் பேருந்தில் இருந்த பயணி ஒருவர் உயிரிழந்தார். மேலும் 3 பேர் காயமடைந்தனர். விபத்து குறித்து தகவல் அறிந்து விரைந்து வந்த போலீசார் காயமடைந்தவர்களை மீட்டு மருத்துவமனையில் அனுமதித்தனர்.

மேலும், இந்த விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.