<
ஐ.நா மனித உரிமைகள் பேரவைக்கு சீனா,ரஷியா பாகிஸ்தான் தேர்வு -அமெரிக்கா கண்டனம்
ஐ.நா மனித உரிமைகள் பேரவைக்கு சீனா, பாகிஸ்தான் மீண்டும் தேர்ந்து எடுக்கப்பட்டன. சர்வாதிகார நாடுகளை தேர்ந்து எடுத்ததாக அமெரிக்கா கண்டனம் தெர்வித்து உள்ளது.
புதுடெல்லி:
ஐ.நா மனித உரிமைகள் பேரவையில் பாகிஸ்தான் மற்றும் நேபாளம் மீண்டும் தேர்ந்தெடுக்கப்பட்டன, சீனா மிகச்சிறிய வித்தியாசத்தில் ஒரு இடத்தை வென்றது, தேர்தலில் சவுதி அரேபியா தோற்கடிக்கப்பட்டது.
பொதுச் சபையில் செவ்வாய்க்கிழமை நடத்த ஓட்டெடுப்பில் சீனாவுக்கு 2016 இல் கிடைத்த 180 உடன் ஒப்பிடும்போது 139 வாக்குகள் மட்டுமே கிடைத்தன, என மனித உரிமைகள் கண்காணிப்பகத்தின் ஐ.நா. இயக்குனர் லூயிஸ் சார்போனியோ டுவீட் செய்துள்ளார்.
உய்குர் முஸ்லீம் சிறுபான்மையினர் மற்றும் பல நாடுகள் மற்றும் மனித உரிமைகள் குழுக்களின் எதிர்ப்பையும் மீறி சீனா ஒரு வெற்றியைப் பெற முடிந்தது.
2016 ல் இரண்டு வாக்குகள் வித்தியாசத்தில் தோற்கடிக்கப்பட்ட ரஷியா, 158 வாக்குகளைப் பெற்று மீண்டும் வந்தது.
சவூதி அரேபியா தனது மனித உரிமைப் பதிவுக்காக விமர்சிக்கப்பட்டாலும், அதன் தோல்வி ஆச்சரியமாக இருந்தது, ஏனெனில் இது கடைசியாக தேர்ந்தெடுக்கப்பட்டபோது 2016 ல் 152 வாக்குகளைப் பெற்று இருந்தது.
ஜெர்மனி தலைமையிலான 39 நாடுகளின் குழு கடந்த வாரம் ஐ.நாவில் சீனாவை கடுமையாக விமர்சித்தது, "சின்ஜியாங்கில் மனித உரிமை நிலைமை மற்றும் ஹாங்காங்கில் சமீபத்திய பிரச்சினைகள் குறித்து அவர்கள் மிகுந்த அக்கறை கொண்டுள்ளதாக கூறியுள்ளனர்.
இதற்கிடையில், ஐ.நா மனித உரிமைகள் பேரவையில் சீனா, ரஷியா மற்றும் கியூபா போன்ற சர்வாதிகார ஆட்சி நாடுகளை தேர்ந்தெடுத்ததற்காக ஐக்கிய நாடுகள் சபையை அமெரிக்க வெளியுறவுத்துறை செயலாளர் மைக்கேல் பாம்பியோ விமர்சனம் செய்து உள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
