மும்பை,

மராட்டிய மாநிலம் நவி மும்பையில் வியாழக்கிழமை இரண்டு கார்கள் ஒன்றுடன் ஒன்று மோதி ஏற்பட்ட விபத்தில் 5 பேர் காயமடைந்தனர்.

நவி மும்பையில் உள்ள பாம் பீச் சாலையில் இரண்டு கார்கள் ஒன்றுடன் ஒன்று மோதி விபத்துக்குள்ளானது. இந்த விபத்தில் ஒரு கார், மோசமாக சேதமடைந்தது. மேலும் மற்றொரு கார் அருகில் இருந்த வாய்க்காலில் விழுந்தது.

இந்த விபத்தில் 3 பேர் காயமடைந்தனர். மேலும் இருவர் படுகாயமடைந்தனர். காயமடைந்தவர்கள் அருகிலுள்ள மருத்துவமனையில் சிகிச்சைக்காக அனுமதிக்கப்பட்டனர்.