விசாகப்பட்டினம்,

இந்திய வானிலை ஆய்வு மையத்தின், விசாகப்பட்டினம் சூறாவளி எச்சரிக்கை மையத்தின் எம்.டி. சுனந்தா கூறும்போது, தென்கிழக்கு வங்காள விரிகுடா மற்றும் அதனையொட்டிய அந்தமான் நிகோபார் தீவு பகுதிகளில் நேற்று (14-ந்தேதி) ஏற்பட்ட காற்றழுத்த தாழ்வு பகுதி, வங்காள விரிகுடாவின் மேற்கு-மத்திய பகுதியில் காற்றழுத்த நிலையாக இன்று (15-ந்தேதி) தீவிரமடைய கூடும் என கூறியுள்ளார்.

தொடர்ந்து வடமேற்கு நோக்கி நகர்ந்து ஆந்திர பிரதேச கடலோர பகுதியில் நாளை (16-ந்தேதி) ஆழ்ந்த காற்றழுத்த நிலையாக அது, தீவிரமடைய கூடும். அதன்பின்னர், வடக்கு-வடகிழக்கு நோக்கி சென்று வருகிற 17-ந்தேதி ஒடிசா கடலோர பகுதியை சென்றடையும்.

இதனால், ஒடிசா கடலோரம் உள்ளிட்ட சில பகுதிகளில் கன முதல் மிக கனமழை பெய்ய கூடும் என எதிர்பார்க்கப்படுகிறது என்று அவர் கூறியுள்ளார்.

இதனால், அடுத்த அறிவிப்பு வரும் வரை, இன்று (15-ந்தேதி) முதல் வருகிற 17-ந்தேதி வரையிலான நாட்களில், மீனவர்கள் யாரும் கடலுக்கு மீன்பிடிக்க செல்ல வேண்டாம் என அறிவுறுத்தப்பட்டு உள்ளது.