கள்ளக்காதல் விவகாரத்தில் வாலிபர் கொலை

கொப்பல்:

கொப்பல் மாவட்டம் கங்காவதி தாலுகா எச்.ஆர்.எஸ். காலனியை சேர்ந்தவர் மவுலா உசைன் (வயது 30). இவரது சகோதரர் நூர் அகமது. இந்த நிலையில், மவுலா உசைனுக்கும், நூர் அகமதுவின் மனைவிக்கும் இடைய கள்ளத்தொடர்பு இருந்து வருவதாக கூறப்படுகிறது. இதுதொடர்பாக சகோதரர்கள் இடையே அடிக்கடி மோதல் ஏற்பட்டுள்ளது. இந்த நிலையில் சம்பவத்தன்று மவுலா உசைன் தனது வீட்டில் ஒரு அறையில் தூங்கி கொண்டிருந்தார்.

அப்போது அங்கு வந்த நூர் அகமது, கத்தியால் மவுலா உசைனின் கழுத்தை அறுத்து கொலை செய்தார். இதுதொடர்பாக தகவலின்பேரில் கங்காவதி போலீசார் சம்பவ இடத்துக்கு விரைந்து வந்து பார்வையிட்டனர். பின்னா் அவரது உடலை மீட்டு பிரேத பரிசோதனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து நூர் அகமதுவை கைது செய்தனர். மேலும் அவரிடம் தொடர்ந்து விசாரணை நடத்தி வருகிறார்கள்.