ஜார்கண்ட்: பஸ் கவிழ்ந்து விபத்து - ஒருவர் பலி, 12 பேர் காயம்

ராஞ்சி,

ஜார்கண்ட் மாநிலத்தின் தலைநகர் ராஞ்சியின் புறநகரில், இன்று அதிகாலையில் பயணிகளை ஏற்றிச் சென்ற பேருந்து ஒன்று கவிழ்ந்து விபத்துக்குள்ளானது. இந்த விபத்தில் பெண் ஒருவர் பலியானார். மேலும் 12-க்கும் மேற்பட்டோர் காயமடைந்தனர்.

கொல்கத்தாவில் இருந்து ராஞ்சிக்கு சென்று கொண்டிருந்த பேருந்து அதிகாலை 5 மணியளவில் இச்சாதி பகுதியில் வந்த போது விபத்துக்குள்ளானது. அதிவேகமாக சென்றதால் பேருந்து, ஓட்டுநரின் கட்டுப்பாட்டை இழந்து விபத்துக்குள்ளாகியுள்ளது.

இந்த விபத்தில் 35 வயது பெண் ஒருவர் சம்பவ இடத்திலேயே உயிரிழந்தார். மேலும் 12-க்கும் மேற்பட்டோர் காயமடைந்தனர். காயமடைந்தவர்கள் மீட்கப்பட்டு அருகில் உள்ள மருத்துவமனையில் அனுமதிக்கப்பட்டனர். போலீசார் இந்த விபத்து குறித்து வழக்கு பதிவு செய்து விசாரணை நடத்தி வருகின்றனர்.