மாநில செய்திகள்

மீனவர்கள் மீட்பு நடவடிக்கை; கனிமொழிக்கு நன்றி தெரிவித்த மீனவர்கள் + "||" + Fishermen rescue operation; The fishermen thanked Kanimozhi

மீனவர்கள் மீட்பு நடவடிக்கை; கனிமொழிக்கு நன்றி தெரிவித்த மீனவர்கள்

மீனவர்கள் மீட்பு நடவடிக்கை; கனிமொழிக்கு நன்றி தெரிவித்த மீனவர்கள்
தூத்துக்குடியைச் சேர்ந்த 38 மீனவர்களையும் மீட்க நடவடிக்கை மேற்கொண்டதற்காக தூத்துக்குடி எம்.பி. கனிமொழியை மீனவர்கள் பிரதிநிதிகள் இன்று நேரில் சந்தித்து நன்றி தெரிவித்தனர்.
தூத்துக்குடி,

தூத்துக்குடி மாவட்டம் தருவைக்குளத்திலிருந்து கடந்த மாதம் 13, 16, 18, 23 ஆகிய தேதிகளில் மொத்தம் 38 மீனவர்கள் கடலுக்குச் சென்றனர். மீனவர்கள் கடலுக்குச் சென்று சில நாட்கள் தங்கி இருந்து மீன் பிடிப்பது வழக்கமாகும்.

இந்நிலையில் புயல் உருவாகியுள்ளதால் மீனவர்கள் அனைவரும் கரை திரும்ப வேண்டும் என அறிவிக்கப்பட்ட நிலையில், கடலுக்குச் சென்ற 38 மீனவர்களையும் தொடர்புகொள்ள முயன்றபோது அவர்கள் தொடர்பு எல்லைக்கு அப்பால் உள்ளதாக தெரிய வந்தது.

இதனையடுத்து கடலுக்குச் சென்ற மீனவர்களை மீட்க நடவடிக்கை எடுக்க வேண்டும் என தூத்துக்குடி ஆட்சியர் சந்தீப் நந்தூரி மற்றும் தூத்துக்குடி தொகுதி எம்.பி. கனிமொழி ஆகியோரிடம் மீனவர்கள் சார்பில் மனு அளிக்கப்பட்டது.

கனிமொழி இது குறித்து மத்திய உள்துறை அமைச்சகத்திடம் தெரிவித்ததை தொடர்ந்து 38 மீனவர்களும் பத்திரமாக மீட்கப்பட்டனர். இதற்காக இன்று கனிமொழியை சந்தித்த மீனவர்களின் உறவினர்கள் மீட்பு நடவடிக்கைக்கு நன்றி தெரிவித்தனர். 

பின்னர் செய்தியாளர்களை சந்தித்த கனிமொழி, "உள்துறை அமைச்சகத்திடம் மீனவர்களை மீட்க வேண்டும் எனக் கோரிக்கை வைத்தோம். அவர்களும் கடலோர காவல் படையினருடன் இணைந்து மீட்புப் பணியை துரிதப்படுத்தினர். மத்திய அரசுக்கு நன்றி தெரிவித்துக் கொள்கிறேன்" என்றார்.

மேலும், தூத்துக்குடியில் பல பகுதிகளில் நீர்வழித் தடங்களை தூர்வாரும் பலகை மட்டுமே உள்ளதாகவும் தூர்வாராததால் மழை நீர் வீணாவதாகவும் குற்றம் சாட்டினார்.

தொடர்புடைய செய்திகள்

1. புதுக்கோட்டை மாவட்ட மீனவர்கள் 3 பேர் கைது இலங்கை கடற்படையினர் நடவடிக்கை
எல்லை தாண்டி மீன்பிடித்ததாக கூறி புதுக்கோட்டை மாவட்ட விசைப்படகு மீனவர்கள் 3 பேரை இலங்கை கடற்படையினர் கைது செய்தனர்.
2. சின்னமுட்டம் விசைப்படகு மீனவர்கள் போராட்டம் 40-வது நாளாக நீடிப்பு
கன்னியாகுமரி சின்னமுட்டம் விசைப்படகு மீனவர்களின் வேலை நிறுத்த போராட்டம் 40-வது நாளாக நீடிப்பதால் மீன்பிடி தொழில் முடங்கி உள்ளது. இதனால் ரூ.500 கோடிக்கு மேல் வருவாய் இழப்பு ஏற்பட்டுள்ளது.
3. தென்மேற்கு வங்க கடலில் புதிய காற்றழுத்த தாழ்வு பகுதி; மீனவர்களுக்கு எச்சரிக்கை
தென்மேற்கு வங்க கடலில் புதிய காற்றழுத்த தாழ்வு பகுதி உருவாகி உள்ள நிலையில் மீனவர்கள் கடலுக்கு செல்ல வேண்டாம் என எச்சரிக்கை விடப்பட்டு உள்ளது.
4. தீபாவளி பண்டிகையை முன்னிட்டு தஞ்சை மாவட்டத்தில் 10 ஆயிரம் மீனவர்கள் கடலுக்கு செல்லவில்லை
தீபாவளி பண்டிகையை முன்னிட்டு தஞ்சை மாவட்டத்தில் நாட்டுப்படகு மற்றும் விசைப் படகு மீனவர்கள் 10 ஆயிரம் பேர் கடலுக்கு மீன்பிடிக்க செல்லவில்லை.
5. மத்திய அரசின் புதிய சட்டத்தை திரும்ப பெறக்கோரி நாகையில், மீனவர்கள் ஆர்ப்பாட்டம்
மத்திய அரசின் புதிய சட்டத்தை திரும்ப பெறக்கோரி நாகையில் மீனவர்கள் ஆர்ப்பாட்டத்தில் ஈடுபட்டனர்.

அதிகம் வாசிக்கப்பட்டவை