வள்ளியூரில் வெளுத்து வாங்கிய கனமழை.. சுரங்கப்பாதையில் தேங்கிய மழைநீரால் போக்குவரத்து பாதிப்பு

நெல்லை,

நெல்லை மாவட்டத்தில் கடந்தசில நாட்களாக வெயில் வாட்டி வந்த நிலையில், இன்று வள்ளியூரில் கனமழை வெளுத்துவாங்கியது.

அரைமணிநேரம் விடாமல் பெய்த கனமழையின் காரணமாக வள்ளியூர் ரெயில்வே சுரங்கப்பாதையில் தண்ணீர் தேங்கியது. இதனால், வள்ளியூர்- திருச்செந்தூர் சாலையில் போக்குவரத்து பாதிக்கப்பட்டது. இதன் காரணமாக சுமார் 10 கிலோ மீட்டருக்கு வாகனங்கள் , சுற்றிச்செல்லும் சூழல் உள்ளதால், பொதுமக்கள் அவதியடைந்து வருகின்றனர்.

சுரங்கப்பாதையில் தேங்கிநின்ற மழைநீரை கடந்துசெல்ல முயன்ற அரசு பேருந்து ஒன்று பழுதாகி நின்றது. பேருந்தில் பயணம் செய்த 20க்கும் மேற்பட்ட பயணிகள் பத்திரமாக மீட்கப்பட்டனர்.

இருசக்கர வாகனங்களில் செல்வேர் தேங்கி நிற்கும் மழைநீரை பொருட்படுத்தாமல் சுரங்கப்பாதையை கடந்துசெல்கின்றனர்.