திருச்செந்தூர் டாக்டர் சிவந்தி ஆதித்தனார் உடற்கல்வியியல் கல்லூரியில் மாணவர் சேர்க்கை

திருச்செந்தூர்:

பி.பி.எட். படிப்பு

திருச்செந்தூர் டாக்டர் சிவந்தி ஆதித்தனார் உடற்கல்வியியல் கல்லூரியில் இளநிலை உடற்கல்வியியல் (பி.பி.எட்.) 2 வருட படிப்பு, முதுநிலை உடற்கல்வியியல் (எம்.பி.எட்.) 2 வருட படிப்புக்கான மாணவர் சேர்க்கை நடைபெற்று வருகிறது.

பி.பி.எட். 2 ஆண்டு இளநிலை உடற்கல்வியியல் படிப்பதற்கு இளநிலை பட்டப்படிப்புடன் பள்ளி மற்றும் கல்லூரிகளுக்கு இடையேயான ஏதேனும் ஒரு விளையாட்டு போட்டியில் பங்கேற்ற சான்றிதழ் பெற்றிருக்க வேண்டும். இளநிலை பட்டப்படிப்பில் 50 சதவீத மதிப்பெண்கள் பெற்றிருக்க வேண்டும். வயது வரம்பு 30-க்குள் இருக்க வேண்டும். ஆதிதிராவிட மாணவர்களுக்கு வயது வரம்பில் 3 ஆண்டுகள் சலுகை வழங்கப்படும்.

மாணவ-மாணவிகள் பட்டப்படிப்பு படிக்கும்போது பல்கலைக்கழகம் சார்பில் ஏதேனும் ஒரு விளையாட்டில் பங்கேற்றிருந்தால், அவர்களுக்கு கல்வி கட்டணத்தில் 50 சதவீத சலுகை வழங்கப்படும். மேலும் இக்கல்லூரியில் பி.பி.இ.எஸ். பயின்றோருக்கும் மற்றும் ஆதித்தனார் கல்வி அறநிலையத்தால் நடத்தப்படும் கல்லூரிகளில் இளநிலை பட்டப்படிப்பு பயின்றோருக்கும் கல்வி கட்டணத்தில் 50 சதவீத சலுகை வழங்கப்படும்.

எம்.பி.எட். படிப்பு

எம்.பி.எட். இரண்டு ஆண்டு முதுநிலை உடற்கல்வியியல் படிப்பதற்கு இளநிலை உடற்கல்வியியல் (பி.பி.எட்.) பயின்று இருக்க வேண்டும். மேலும் அதில் 50 சதவீத மதிப்பெண்கள் பெற்றிருக்க வேண்டும். மாணவ-மாணவிகளின் வயது வரம்பு 35-க்குள் இருக்க வேண்டும். ஆதிதிராவிட மாணவ-மாணவிகளுக்கு வயது வரம்பில் 3 ஆண்டுகள் சலுகை உண்டு.

டாக்டர் சிவந்தி ஆதித்தனார் உடற்கல்வியியல் கல்லூரியில் பி.பி.எட். பயின்றவர்களுக்கு எம்.பி.எட். படிக்க கல்வி கட்டணத்தில் 50 சதவீத சலுகை வழங்கப்படும். மேலும் பல்கலைக்கழக தேர்வில் இளநிலை உடற்கல்வியியலில் தங்கப்பதக்கம் (முதல் தரவரிசை) பெற்றவர்களுக்கும் கல்வி கட்டணத்தில் 50 சதவீத சலுகை வழங்கப்படும்.

சிறப்பு அம்சங்கள்

இருபாலருக்குமான பழமைவாய்ந்த மிகச்சிறப்பான இக்கல்லூரி சென்னை தமிழ்நாடு உடற்கல்வியியல் மற்றும் விளையாட்டு பல்கலைக்கழகத்தின் அங்கீகாரம் பெற்றது. மேலும் தேசிய தரமதிப்பீட்டில் 'ஏ' சான்று பெற்றுள்ளது. தரமான ஆசிரியர்கள், நேர்த்தியான விளையாட்டு மைதானங்கள் மற்றும் சிறப்பான தங்கும் விடுதிகள் இக்கல்லூரியின் சிறப்பு அம்சங்கள் ஆகும்.

ஆண்டுதோறும் பல்கலைக்கழக அளவில் மாணவ-மாணவிகள் பதக்கங்களை பெற்று வருகின்றனர். அனைத்து மாணவர்களுக்கும் 100 சதவீத வேலைவாய்ப்பு சார்ந்த பயிற்சி அளிக்கப்பட்டு அனைவருக்கும் கல்லூரி நிர்வாகம் வேலைவாய்ப்பை பெற்று தருகிறது. இக்கல்லூரி பற்றிய அனைத்து விவரங்களும் கல்லூரியின் இணையதளத்தில் வெளியிடப்பட்டு உள்ளது.

விண்ணப்பிக்க...

இக்கல்லூரியில் படிக்க விருப்பம் உள்ளவர்கள் தமிழ்நாடு உடற்கல்வியியல் மற்றும் விளையாட்டு பல்கலைக்கழகத்தின் www.tnpesu.org என்ற இணையதளத்தின் வாயிலாக டாக்டர் சிவந்தி ஆதித்தனார் உடற்கல்வியியல் கல்லூரியை தேர்வு செய்து விண்ணப்பிக்கவும். மேலும் www.drsacpe.com என்ற இக்கல்லூரி இணையதளம் வாயிலாகவும் விண்ணப்பிக்கலாம். இரு இணையதளத்திலும் தங்களது கல்வி சான்றிதழ்கள், விளையாட்டு சான்றிதழ் மற்றும் மருத்துவ சான்றிதழ் போன்றவற்றை பதிவேற்றம் செய்ய வேண்டும்.

அனைத்து பாடப்பிரிவுகளிலும் குறைவான இடங்களே இருப்பதால் மாணவர்கள் உடனே விண்ணப்பித்து கல்லூரியில் சேருமாறு கேட்டு கொள்ளப்படுகிறார்கள். மேலும் விவரங்களுக்கு கல்லூரி அலுவலகத்தை 04639-245110, 220590 ஆகிய தொலைபேசி எண்களில் தொடர்பு கொள்ளுமாறு கேட்டு கொள்ளப்படுகிறார்கள்.

இந்த தகவலை டாக்டர் சிவந்தி ஆதித்தனார் உடற்கல்வியியல் கல்லூரி முதல்வர் சாம்ராஜ் தெரிவித்துள்ளார்.