சென்னை,

நடிகரும், சேப்பாக் தொகுதி எம்.எல்.ஏவுமான உதயநிதி ஸ்டாலின் இன்று தனது 46 வயதில் அடியெடுத்து வைக்கிறார். இதனையொட்டி ஏராளமானோர் அதிகாலை முதலே அவருக்கு வாழ்த்துக்களை குவித்து வருகின்றனர்.

இந்நிலையில், உதயநிதி ஸ்டாலின் தனது பிறந்தநாளையடுத்து சென்னை மெரினாவில் உள்ள முன்னாள் முதல்-அமைச்சர்கள் அண்ணா, கருணாநிதியின் நினைவிடங்களில் மலர் தூவி மரியாதை செலுத்தினார்.

இது குறித்து உதயநிதி ஸ்டாலின் தனது டுவிட்டர் பதிவில்,

கண்ணியமிகு பேச்சால் இனமான உணர்வூட்டி, கட்டுப்பாடு மிகு கழகத்தை இளைஞர்களைக் கொண்டு உருவாக்கிய பேரறிஞர் அண்ணா-ஆதிக்கத்திற்கு எதிராக வாழ்நாள் முழுவதும் ஓய்வறியாமல் உழைத்த சமூகநீதி போராளி முத்தமிழறிஞர் கலைஞரின் நினைவிடங்களில் என் பிறந்தநாளான இன்று மலர்தூவி மரியாதை செலுத்தினோம்.

இவ்வாறு அவர் பதிவிட்டுள்ளார்.