ஆன்மிகம்

புரட்டாசி முதல் சனிக்கிழமையையொட்டி சேலம் பெருமாள் கோவில்களில் சிறப்பு வழிபாடு + "||" + Purattasi is the first Saturday Salem Perumal temples Special worship

புரட்டாசி முதல் சனிக்கிழமையையொட்டி சேலம் பெருமாள் கோவில்களில் சிறப்பு வழிபாடு

புரட்டாசி முதல் சனிக்கிழமையையொட்டி சேலம் பெருமாள் கோவில்களில் சிறப்பு வழிபாடு
புரட்டாசி முதல் சனிக்கிழமையையொட்டி சேலம் பெருமாள் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.
சேலம்,

பெருமாளுக்கு உகந்தநாள் புரட்டாசிமாத சனிக்கிழமை ஆகும். நேற்று புரட்டாசி முதல் சனிக்கிழமையையொட்டி சேலத்தில் உள்ள பிரசித்தி பெற்ற பெருமாள் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு பெருமாளை வழிபட்டனர். சேலம் கோட்டை அழகிரிநாதர் என்று அழைக்கப்படும் கோட்டை பெருமாள் கோவிலில் நேற்று காலை சிறப்பு அலங்கார பூஜை, மகா தீபாராதனை நடந்தது. அதன்பின்னர் அழகிரிநாதர் பெருமாள் ஸ்ரீதேவி, பூதேவியுடன் பக்தர்களுக்கு காட்சியளித்தார். கண்ணாடி மாளிகையில் ராமர், லட்சுமணன், சீதா, ஆஞ்சநேயர் ஊஞ்சல் உற்சவ சிறப்பு அலங்காரத்தில் பக்தர்களுக்கு அருள்பாலித்தனர்.


பின்னர் தங்கக்கவசத்தில் அருள்பாலித்த ஆஞ்சநேயர், கருடாழ்வாரை பக்தர்கள் வழிபட்டனர். இரவில் பெருமாள் வீதியுலா வந்தார். கோவிலக்கு வந்த பக்தர்களுக்கு பிரசாதம் வழங்கப்பட்டது.

இதேபோல சேலம் சின்னக்கடை வீதியில் உள்ள பட்டை கோவில் பிரசன்ன வரதராஜ பெருமாள் கோவிலில் பெருமாள் சிறப்பு அலங்காரத்தில் பக்தர்களுக்கு காட்சி அளித்தார். இதில் திரளான பக்தர்கள் கலந்து கொண்டு சாமி தரிசனம் செய்தனர். அம்மாபேட்டை சவுந்தரராஜ பெருமாள் கோவிலில் சாமி சிறப்பு அலங்காரத்தில் பக்தர்களுக்கு அருள்பாலித்தார்.

சேலம் பெரமனூர் வெங்கடேச பெருமாள் கோவிலில் மூலவர் பெருமாளுக்கு தங்க கவச அலங்காரம் செய்யப்பட்டிருந்தது. ஜாகீர் அம்மாபாளையம் வரபிரசாத ஆஞ்சநேயர் முத்தங்கி அலங்காரத்தில் பக்தர்களுக்கு அருள்பாலித்தார். ஆனந்தா இறக்கம் அருகே உள்ள லட்சுமி நாராயணசாமி கோவிலில் புரட்டாசி முதல் சனிக்கிழமையையொட்டி சாமிக்கு துளசி மாலை அலங்காரம் செய்யப்பட்டிருந்தது.

சேலம் செவ்வாய்பேட்டை பிரசன்ன வெங்கடாசலபதி கோவிலில் பெருமாளுக்கு சிறப்பு அலங்காரம் செய்யப்பட்டிருந்தது. அதைத்தொடர்ந்து அபிஷேக வழிபாடு நடைபெற்றது. செவ்வாய்பேட்டை பாண்டுரங்கநாதர் கோவில், அயோத்தியாப்பட்டணம் ராமர் கோவில், சின்னத்திருப்பதி வெங்கடேச பெருமாள் கோவில், அழகாபுரம் வெங்கடேசுவரா பாலாஜி டிரஸ்ட் கோவில், உடையாப்பட்டி சென்றாய பெருமாள் கோவில், கடைவீதி வேணுகோபாலசுவாமி கோவில், நாமமலை பெருமாள் கோவில், நெத்திமேடு கரியபெருமாள் கோவில் உள்பட பல்வேறு பெருமாள் கோவில்களில் நேற்று புரட்டாசி முதல் சனிக்கிழமையையொட்டி சிறப்பு அபிஷேகம், வழிபாடு நடந்தது. இதில் திரளான பக்தர்கள் கலந்து கொண்டு பெருமாளை வழிபட்டனர்.


தொடர்புடைய செய்திகள்

1. சேலம், கோவை உள்பட நாடு முழுவதும் 129 மாவட்டங்களில், குழாய் மூலம் சமையல் கியாஸ் வினியோகம்: பிரதமர் மோடி அடிக்கல் நாட்டினார்
சேலம், கோவை உள்பட நாடு முழுவதும் 129 மாவட்டங்களில், குழாய் மூலம் சமையல் கியாஸ் வினியோகம் செய்யும் திட்டத்துக்கு பிரதமர் மோடி அடிக்கல் நாட்டினார்.
2. சேலத்தில் மாற்றுத்திறனாளிகளுக்கு விளையாட்டு போட்டிகள் - 900 பேர் பங்கேற்பு
சேலத்தில் நடந்த மாற்றுத்திறனாளிகளுக்கான விளையாட்டு போட்டிகளில் 900 பேர் கலந்து கொண்டனர்.
3. சேலம், கோவை நகர கியாஸ் வினியோக திட்டத்துக்கு பிரதமர் நரேந்திரமோடி 22-ந்தேதி அடிக்கல் நாட்டுகிறார்
பெட்ரோலியம் மற்றும் இயற்கை எரிவாயு ஒழுங்குமுறை வாரியம், சேலம் மற்றும் கோவை நகர கியாஸ் வினியோக திட்டத்திற்கு இந்தியன் ஆயில் கார்ப்பரேஷன் நிறுவனத்திற்கு உரிமம் வழங்கி உள்ளது.
4. சேலத்தில் மின்வாரிய ஒப்பந்த தொழிலாளர்கள் சாலை மறியல் - 182 பேர் கைது
சேலத்தில் சாலை மறியல் போராட்டம் நடத்திய மின்வாரிய ஒப்பந்த தொழிலாளர்கள் 182 பேரை போலீசார் கைது செய்தனர்.
5. கார் மோதியதால் 50 அடி உயர பாலத்தில் இருந்து தவறி விழுந்து முதியவர் பலி - கோவை பட்டதாரி கைது
சேலத்தில் கார் மோதியதில் 50 அடி உயர பாலத்தில் இருந்து தவறி விழுந்து முதியவர் பலியானார். இது தொடர்பாக கோவை பட்டதாரி கைது செய்யப்பட்டார்.