கூடைப்பந்து

ரஞ்சி கிரிக்கெட்டில் தமிழ்நாடு-மும்பை ஆட்டம் ‘டிரா’ + "||" + Ranchi Cricket - Tamil Nadu-Mumbai match Draw

ரஞ்சி கிரிக்கெட்டில் தமிழ்நாடு-மும்பை ஆட்டம் ‘டிரா’

ரஞ்சி கிரிக்கெட்டில் தமிழ்நாடு-மும்பை ஆட்டம் ‘டிரா’
ரஞ்சி கிரிக்கெட்டில் தமிழ்நாடு-மும்பை அணிகள் மோதிய ஆட்டம் ‘டிரா’ வில் முடிந்தது.
சென்னை,

ரஞ்சி கோப்பை கிரிக்கெட் தொடரில் சென்னை சேப்பாக்கத்தில் நடந்த லீக் ஆட்டத்தில் தமிழ்நாடு-மும்பை (பி பிரிவு) அணிகள் மோதின. முதலில் பேட் செய்த மும்பை அணி முதல் இன்னிங்சில் 488 ரன்கள் குவித்தது. பின்னர் தனது முதல் இன்னிங்சை ஆடிய தமிழக அணி 3-வது நாள் முடிவில் 7 விக்கெட் இழப்புக்கு 249 ரன்கள் எடுத்து இருந்தது. ஆர்.அஸ்வின் 32 ரன்னுடனும், சாய்கிஷோர் 17 ரன்னுடனும் ஆட்டம் இழக்காமல் இருந்தனர்.

இந்த நிலையில் நேற்று 4-வது மற்றும் கடைசி நாள் ஆட்டம் நடந்தது. அணியின் ஸ்கோர் 300 ரன்னாக உயர்ந்த போது சாய் கிஷோர் (42 ரன்கள்) சித்தேஷ் லத்தால் ரன்-அவுட் செய்யப்பட்டார். 8-வது விக்கெட்டுக்கு அஸ்வின்-சாய்கிஷோர் ஜோடி 105 ரன்கள் திரட்டியது. அடுத்து வந்த கே.விக்னேஷ் 3 ரன்னிலும், நிலைத்து நின்று ஆடிய ஆர்.அஸ்வின் 79 ரன்னிலும் ஷம்ஸ் முலானி பந்து வீச்சில் ஆட்டம் இழந்தனர்.

தமிழக அணி முதல் இன்னிங்சில் 156.4 ஓவர்களில் 324 ரன்னில் ‘ஆல்-அவுட்’டாகி ‘பாலோ-ஆன்’ ஆனது. இதனால் 164 ரன்கள் பின்தங்கிய நிலையில் தொடர்ந்து 2-வது இன்னிங்சை ஆடிய தமிழக அணி 22 ஓவர்களில் ஒரு விக்கெட்டுக்கு 48 ரன்கள் எடுத்திருந்த போது இந்த போட்டி டிராவில் முடித்து கொள்ளப்பட்டது. முதல் இன்னிங்சில் முன்னிலை பெற்ற மும்பை அணி 3 புள்ளிகள் பெற்றது. தமிழக அணிக்கு ஒரு புள்ளி கிடைத்தது. 5-வது ஆட்டத்தில் ஆடிய தமிழக அணி கண்ட 3-வது டிரா இதுவாகும். 2 ஆட்டத்தில் தோற்று இருந்தது.

இதே போல் ராஜ்கோட்டில் நடந்த கர்நாடகா-சவுராஷ்டிரா இடையிலான ஆட்டமும் டிரா ஆனது. முதல் இன்னிங்சில் முன்னிலை பெற்ற சவுராஷ்டிரா அணிக்கு 3 புள்ளிகள் கிடைத்தது.

புதுச்சேரியில் நடைபெற்ற கோவாவுக்கு எதிரான ஆட்டத்தில் 266 ரன்கள் இலக்கை நோக்கி ஆடிய புதுச்சேரி அணி 2-வது இன்னிங்சில் 184 ரன்னில் சுருண்டது. இதனால் கோவா அணி 81 ரன்கள் வித்தியாசத்தில் வெற்றி பெற்றது.


தொடர்புடைய செய்திகள்

1. தமிழகத்தில் மேலும் 5 பேருக்கு கொரோனா ; பாதிப்பு எண்ணிக்கை 23 ஆக உயர்வு
தமிழகத்தில் மேலும் 5 பேருக்கு கொரோனா ; பாதிப்பு எண்ணிக்கை 23 ஆக உயர்ந்து உள்ளது
2. ரஞ்சி கிரிக்கெட்டில் சவுராஷ்டிரா அணி ‘சாம்பியன்’
ரஞ்சி கோப்பை கிரிக்கெட் இறுதிப்போட்டியில் பெங்காலுக்கு எதிரான ஆட்டத்தில் சவுராஷ்டிரா அணி முதல் இன்னிங்சில் பெற்ற முன்னிலை அடிப்படையில் ‘சாம்பியன்’ பட்டத்தை கைப்பற்றியது.
3. ரஞ்சி கிரிக்கெட்டில் குஜராத்தை வீழ்த்தி சவுராஷ்டிரா அணி இறுதிப்போட்டிக்கு தகுதி
ரஞ்சி கோப்பை கிரிக்கெட்டின் அரைஇறுதியில் சவுராஷ்டிரா அணி 92 ரன்கள் வித்தியாசத்தில் குஜராத்தை வீழ்த்தி இறுதிப்போட்டிக்கு முன்னேறியது.
4. ரஞ்சி கிரிக்கெட்டில் கர்நாடகாவை வீழ்த்தி பெங்கால் அணி இறுதிப்போட்டிக்கு முன்னேற்றம்
ரஞ்சி கோப்பை கிரிக்கெட் போட்டியின் அரைஇறுதியில் கர்நாடகாவை 174 ரன்கள் வித்தியாசத்தில் வீழ்த்தி பெங்கால் அணி இறுதிப்போட்டிக்கு முன்னேறியது.
5. ரஞ்சி கிரிக்கெட்: கர்நாடக அணி 122 ரன்னில் சுருண்டது
ரஞ்சி கோப்பை கிரிக்கெட்டில் கர்நாடகா அணி 122 ரன்னில் சுருண்டது.