கிரிக்கெட்

முதலாவது ஒரு நாள் கிரிக்கெட்டில் இலங்கையை எளிதில் வீழ்த்தியது தென்ஆப்பிரிக்கா + "||" + South Africa was the first to beat Sri Lanka in one-day cricket

முதலாவது ஒரு நாள் கிரிக்கெட்டில் இலங்கையை எளிதில் வீழ்த்தியது தென்ஆப்பிரிக்கா

முதலாவது ஒரு நாள் கிரிக்கெட்டில் இலங்கையை எளிதில் வீழ்த்தியது தென்ஆப்பிரிக்கா
முதலாவது ஒரு நாள் கிரிக்கெட்டில் இலங்கையை எளிதில் வீழ்த்தி தென்ஆப்பிரிக்கா அணி வெற்றிபெற்றது. அதில் பிளிஸ்சிஸ் சதம் அடித்து அசத்தினார்.
ஜோகன்னஸ்பர்க்,

தென்ஆப்பிரிக்காவுக்கு சென்றுள்ள இலங்கை கிரிக்கெட் அணி 5 போட்டிகள் கொண்ட ஒரு நாள் தொடரில் பங்கேற்றுள்ளது. இதில் முதலாவது ஒரு நாள் போட்டி ஜோகன்னஸ்பர்க்கில் நேற்று நடந்தது. முதலில் பேட் செய்த இலங்கை அணியில் தொடக்க ஆட்டக்காரர்கள் விக்கெட் கீப்பர் டிக்வெல்லா (8 ரன்), உபுல் தரங்கா (9 ரன்) இருவரும் நிகிடியின் வேகத்தில் வீழ்ந்தனர். மிடில் வரிசையில் ஒஷாடே பெர்னாண்டோ (49 ரன்), குசல் மென்டிஸ் (60 ரன்), தனஞ்ஜெயா டி சில்வா (39 ரன்) குறிப்பிடும்படி ஆடினர். இலங்கை அணி 47 ஓவர்களில் 231 ரன்களுக்கு ஆல்-அவுட் ஆனது. தென்ஆப்பிரிக்க தரப்பில் நிகிடி, இம்ரான் தாஹிர் தலா 3 விக்கெட்டுகளை வீழ்த்தினர்.

தொடர்ந்து ஆடிய தென்ஆப்பிரிக்க அணி 38.5 ஓவர்களில் 2 விக்கெட்டுக்கு 232 ரன்கள் சேர்த்து 8 விக்கெட் வித்தியாசத்தில் அபார வெற்றி பெற்றது. தனது 11-வது சதத்தை அடித்த கேப்டன் பாப் டு பிளிஸ்சிஸ் 112 ரன்களும் (114 பந்து, 15 பவுண்டரி, ஒரு சிக்சர்), விக்கெட் கீப்பர் குயின்டான் டி காக் 81 ரன்களும் (72 பந்து, 11 பவுண்டரி) எடுத்தனர். இவ்விரு அணிகள் இடையிலான 2-வது ஒரு நாள் போட்டி வருகிற 6-ந்தேதி செஞ்சூரியனில் நடக்கிறது.


தொடர்புடைய செய்திகள்

1. துளிகள்
போர்ட்எலிசபெத்தில் நேற்று நடந்த இலங்கைக்கு எதிரான 4-வது ஒரு நாள் கிரிக்கெட் போட்டியிலும் தென்ஆப்பிரிக்க அணி வெற்றி பெற்றது.
2. முதலாவது ஒரு நாள் போட்டியில் இலங்கை-தென்ஆப்பிரிக்கா இன்று மோதல்
முதலாவது ஒரு நாள் போட்டியில், இலங்கை-தென்ஆப்பிரிக்கா அணிகள் இன்று மோத உள்ளன.
3. சீனா, இலங்கைக்கு கடத்துவதற்காக பதுக்கல் ரூ.7 கோடி அரிய கடல்வாழ் உயிரினங்கள் பறிமுதல் 2 பேர் கைது
இலங்கை, சீனாவுக்கு கடத்துவதற்காக சென்னையில் உள்ள குடோனில் சட்டவிரோதமாக பதுக்கி வைக்கப்பட்டு இருந்த ரூ.7 கோடி மதிப்புள்ள பதப்படுத்தப்பட்ட அரிய கடல்வாழ் உயிரினங்களை சுங்கத்துறையினர் பறிமுதல் செய்தனர். இதுதொடர்பாக 2 பேர் கைது செய்யப்பட்டனர்.
4. பூடானுடன் நெருங்கும் சீனா: இந்தியாவுக்கு புதிய சவால்
பூடானுடன் சீனா நெருக்கமான உறவை முன்னெடுக்க முயற்சிப்பது, இந்தியாவின் வெளியுறவுக்கொள்கைக்கு புதிய சவாலாக திகழ்கிறது.
5. முதலாவது ஒரு நாள் கிரிக்கெட்: தென்ஆப்பிரிக்காவை வீழ்த்தியது பாகிஸ்தான்
தென்ஆப்பிரிக்காவுக்கு எதிரான முதலாவது ஒரு நாள் கிரிக்கெட் போட்டியில் பாகிஸ்தான் அணி வெற்றி பெற்றது.