ஐ.எஸ்.எல். கால்பந்து தொடர்; ஒடிசா - மோகன் பகான் ஆட்டம் 'டிரா'

புவனேஷ்வர்,

12 அணிகள் பங்கேற்றுள்ள 10-வது இந்தியன் சூப்பர் லீக் (ஐ.எஸ்.எல்) கால்பந்து தொடர் இந்தியாவின் பல்வேறு நகரங்களில் நடைபெற்று வருகிறது.இந்நிலையில் இந்த தொடரில் ஒடிசாவில் உள்ள கலிங்கா ஸ்டேடியத்தில் நடைபெற்ற ஆட்டத்தில் ஒடிசா எப்.சி - மோகன் பகான் அணிகள் மோதின.

விறுவிறுப்பாக நடைபெற்ற இந்த ஆட்டத்தில் தொடக்கம் முதலே இரு அணிகளும் கோல் அடிக்க தீவிர முயற்சி செய்தன. ஆனாலும் இரு அணி வீரர்களாலும் கோல் அடிக்க இயலவில்லை. இறுதியில் இந்த ஆட்டம் 0-0 என டிராவில் முடிந்தது.

இதையடுத்து பெங்களூருவில் இன்று இரவு 7.30 மணிக்கு நடைபெற்று வரும் மற்றொரு ஆட்டத்தில் பெங்களூரு - ஐதராபாத் அணிகள் ஆடி வருகின்றன.