பெண்கள் உலகக்கோப்பை கால்பந்து: டென்மார்க்கை வீழ்த்தி ஆஸ்திரேலியா காலிறுதிக்கு முன்னேற்றம்...!

பிரிஸ்பேன்,

பெண்கள் உலகக்கோப்பை கால்பந்து தொடர் ஆஸ்திரேலியா, நியூசிலாந்து நாடுகளில் நடந்து வருகிறது. இதில் லீக் சுற்று ஆட்டங்கள் முடிவடைந்த நிலையில் 32 அணிகளில் இருந்து 16 அணிகள் காலிறுதிக்கு முந்தைய சுற்றுக்கு (நாக்-அவுட்) முன்னேறின.

இந்த தொடரில் இதுவரை ஸ்பெயின், நெதர்லாந்து, ஜப்பான், சுவீடன், இங்கிலாந்து ஆகிய அணிகள் காலிறுதிக்கு முன்னேறி உள்ளன. இந்நிலையில் இன்று நடைபெற்ற நாக் அவுட் ஆட்டம் ஒன்றில் ஆஸ்திரேலியா - டென்மார்க் அணிகள் மோதின.

இந்த ஆட்டத்தில் ஆஸ்திரேலிய அணி வழக்கமான 90 நிமிட நேர முடிவில் 2 கோல்களை அடித்து அசத்தியது. டென்மார்க் அணி கோல் எதுவும் அடிக்கவில்லை. இதன் மூலம் ஆஸ்திரேலியா 2-0 என்ற கோல் கணக்கில் டென்மார்க்கை வீழ்த்தி காலிறுதிக்கு முன்னேறியது.