சென்னையில் நடைபெறும் 'ஏ' டிவிசன் கைப்பந்து: ஐ.ஓ.பி. அணி வெற்றி

சென்னை,

சென்னை மாவட்ட கைப்பந்து சங்கம் சார்பில் எஸ்.என். ஜெ. குழுமம் ஆதரவுடன் 'ஏ' டிவிசன் லீக் கைப்பந்து போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.

இதில் 4-வது நாளான நேற்று நடந்த லீக் ஆட்டம் ஒன்றில் எஸ்.ஆர்.எம். அணி 25-20, 25-18, 18-25, 20-25, 17-15 என்ற செட் கணக்கில் வருமான வரியை வீழ்த்தி 2-வது வெற்றியை தனதாக்கியது. சிறந்த வீரராக தேர்வு செய்யப்பட்ட ஓம் வசந்த் லாத்துக்கு ஒரு கிராம் தங்க நாணயம் பரிசாக வழங்கப்பட்டது.

மற்றொரு திரில்லிங்கான ஆட்டத்தில் ஐ.ஓ.பி. அணி சரிவில் இருந்து மீண்டு வந்து 19-25, 22-25, 27-25, 25-12, 15-12 என்ற செட் கணக்கில் சுங்க இலாகாவை வென்றது.