ஆசிய கோப்பை கைப்பந்து: இந்திய-தென்கொரியா அணிகள் இன்று மோதல்

ஹாங்சோவ்,

ஆசிய விளையாட்டு சீனாவின் ஹாங்சோவ் நகரில் வருகிற 23-ந்தேதி தொடங்குகிறது. ஆனால் கால்பந்து, கைப்பந்து, கிரிக்கெட் உள்ளிட்ட போட்டிகள் மட்டும் நேற்று தொடங்கி விட்டன. இதில் கைப்பந்து போட்டியில் ஆண்கள் பிரிவில் இடம் பெற்றுள்ள 19 அணிகள் 6 பிரிவாக பிரிக்கப்பட்டுள்ளன. லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் இரண்டாவது சுற்றுக்குள் நுழையும்.

இதில் 'சி' பிரிவில் அங்கம் வகிக்கும் இந்திய அணி, தனது முதலாவது லீக் ஆட்டத்தில் கம்போடியாவுடன் மோதியது. அபாரமாக ஆடிய இந்திய அணி 25-14, 25-13, 25-19 என்ற நேர்செட்டில் கம்போடியாவை துவம்சம் செய்தது. இன்று நடைபெறும் ஆட்டத்தில் இந்திய அணி, தென்கொரியாவை (மாலை 4.30 மணி) சந்திக்கிறது.