சென்னை 'ஏ' டிவிசன் லீக் கைப்பந்து: ஐ.ஓ.பி. அணி வெற்றி

சென்னை,

சென்னை மாவட்ட கைப்பந்து சங்கம் சார்பில் எஸ்.என்.ஜெ. குழுமம் ஆதரவுடன் மாவட்ட 'ஏ' டிவிசன் லீக் கைப்பந்து போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.

இதில் 2-வது நாளான நேற்று நடந்த ஒரு ஆட்டத்தில் ஐ.ஓ.பி. அணி 25-23, 25-23, 23-25, 21-25, 15-11 என்ற செட் கணக்கில் ஐ.சி.எப். அணியை தோற்கடித்தது. மற்றொரு விறுவிறுப்பான மோதலில் டி.ஜி. வைஷ்ணவா கல்லூரி 22-25, 25-21, 24-26, 25-22, 15-13 என்ற செட் கணக்கில் வருமானவரியை வீழ்த்தி 2-வது வெற்றியை பெற்றது.