திருமணத்தில் நடனமாடி அசத்திய நடிகை சாய் பல்லவி.. வைரலாகும் வீடியோ

ஊட்டி,

பிரேமம் படத்தின் மூலம் கதாநாயகியாக அறிமுகமானவர் சாய் பல்லவி. அல்போன்ஸ் புத்திரன் இயக்கிய இப்படம் ஹிட்டானது. தமிழகத்தில் இந்தப் படம் 200 நாட்களுக்கு மேல் ஓடி மிகப்பெரிய வெற்றியைப் பெற்றது. இதில் சாய் பல்லவி நடித்த 'மலர் டீச்சர்' கதாபாத்திரம் ஏராளமான ரசிகர்களை கவர்ந்தது. முதல் படத்திலேயே சாய் பல்லவிக்கு சிறந்த நடிகை என்று பெயர் கிடைத்ததை தொடர்ந்து தமிழ் படத்தில் நடிக்க வாய்ப்புகள் கிடைத்தன. நடிகை சாய் பல்லவி நடிப்பில் இறுதியாக வெளியான அமரன், தண்டேல் ஆகிய இரு படங்களும் வெற்றி பெற்றதால் தென்னிந்திய சினிமாவின் உச்ச நட்சத்திர நடிகையாக சாய் பல்லவி மாறியுள்ளார். தற்போது, இந்தியில் பிரம்மாண்டமாக உருவாகும் ராமாயணம் படத்தில் சீதா கதாபாத்திரத்தில் நடித்து வருகிறார். மேலும், பல முன்னணி இயக்குநர்களும் சாய் பல்லவிக்கு கதை கூறி வருகின்றனர்.

இந்நிலையில் ஊட்டி கோத்தகிரியில் நடைபெற்ற தன் உறவினர் திருமணத்தில் குடும்பத்துடன் கலந்துகொண்ட சாய் பல்லவி, அங்கு உறவினர்களுடன் படுகர் நடனமாடி மகிழ்ந்தார். .நீலநிற சேலையில் சாய் பல்லவி நடனமாடிய அந்த வீடியோவை பலரும் பகிர்ந்து வருகின்றனர்.