சென்னை,
டெல்லி உள்ளிட்ட வட மாநிலங்களில் கடந்த சில நாட்களாக கடுமையான பனிமூட்டம் மற்றும் மோசமான வானிலை போன்றவற்றால் விமான சேவை பாதிக்கப்பட்டுள்ளது. இந்நிலையில் நேற்று சென்னையில் இருந்து டெல்லி, ஜெய்ப்பூர், கொல்கத்தா, காசியாபாத் உள்ளிட்ட இடங்களுக்கு செல்ல வேண்டிய 4 விமானங்கள் ரத்து செய்யப்பட்டன.
இதேபோன்று சென்னைக்கு வரவேண்டிய டெல்லி, கொல்கத்தா, பாட்னா, புனே, இந்தூர் உள்ளிட்ட 7 விமானங்கள் ரத்து செய்யப்பட்டன. ஒரே நாளில் வருகை மற்றும் புறப்பாடு என 11 விமானங்கள் ரத்தானதால் பயணிகள் கடும் அவதியடைந்தனர்.