சென்னை,

சென்னை மீனம்பாக்கத்தில் இருந்து கிளாம்பாக்கம் மற்றும் அக்கரை ஆகிய இடங்களுக்கு செல்லக்கூடிய 7 மாநகர பேருந்துகளை அமைச்சர் தா.மோ.அன்பரசன், அமைச்சர் சிவசங்கர் ஆகியோர் இன்று கொடியசைத்து தொடங்கி வைத்தனர்.

சுமார் 20 ஆண்டுகளுக்குப் பிறகு சென்னை மீனம்பாக்கம் விமான நிலையத்தில் இருந்து பயணிகளின் வசதிக்காக கிளாம்பாக்கம் மற்றும் அக்கரைக்கு பேருந்துகள் இயக்கப்படுகின்றன. 15 நிமிடங்களுக்கு ஒருமுறை கிளாம்பாக்கத்திற்கும், 30 நிமிடங்களுக்கு ஒருமுறை அக்கரைக்கும் பேருந்துகள் இயக்கப்படும் என தெரிவிக்கப்பட்டுள்ளது.