நெல்லை,

திண்டுக்கல் மாவட்டம் கொடைக்கானல் சாலைக்கும் சமயநல்லூருக்கும் இடையே தண்டவாளம் புதுப்பித்தல் பணி காரணமாக ரெயில் பாதை, மின் தடை காரணமாக ரெயில் சேவைகளில் தென்னக ரெயில்வே சார்பில் மாற்றங்கள் செய்யப்பட்டுள்ளன.

அதன்படி (ரெயில் எண். 16845) ஈரோடு - செங்கோட்டை எக்ஸ்பிரஸ் பயணம் இன்று முதல் 30-ந்தேதி வரை திண்டுக்கல் மற்றும் செங்கோட்டை இடையே பகுதியளவு ரத்து செய்யப்படுகிறது.(ரெயில் எண்.16846) செங்கோட்டை- ஈரோடு எக்ஸ்பிரஸ் நாளை முதல் 31-ந்தேதி வரை செங்கோட்டை மற்றும் திண்டுக்கல் இடையே பகுதியளவு ரத்து செய்யப்படுகிறது.

திண்டுக்கல் மற்றும் ஈரோடு இடையே ரெயில் எண்.16845/16846 ஈரோடு - செங்கோட்டை - ஈரோடு எக்ஸ்பிரஸ் பகுதி நேரம் ரத்து செய்யப்பட்டதால் முன்பதிவு செய்யப்படாத சிறப்பு (ரெயில் எண். 06845/06846) மதுரை - செங்கோட்டை - மதுரை சிறப்பு ரெயில் மற்றும் (ரெயில் எண். 16845/16846) ஈரோடு - செங்கோட்டை - ஈரோடு எக்ஸ்பிரஸின் திட்டமிடப்பட்ட நேரங்கள் மற்றும் நிறுத்தங்களின்படி இயங்கும். (ரெயில் எண். 06846) செங்கோட்டை - மதுரை முன்பதிவு செய்யப்படாத சிறப்பு ரெயில் நாளை முதல் 31-ந் தேதி வரை செங்கோட்டையில் இருந்து காலை 5.10 மணிக்கு புறப்பட்டு அதே நாளில் காலை 9.30 மணிக்கு மதுரையை வந்தடையும்.

மதுரை - செங்கோட்டை முன்பதிவு செய்யப்படாத சிறப்பு ரெயில் (06845) மதுரையில் இருந்து இன்று முதல் 30-ந்தேதி வரை மாலை 6 மணிக்குப் புறப்பட்டு, அதே நாளில் இரவு 10.30 மணிக்கு செங்கோட்டையை வந்தடையும் என்று ரெயில்வே நிர்வாகம் தரப்பில் அறிவிப்பு வெளியாகி உள்ளது.