சென்னை,

அ.தி.மு.க. பொதுச்செயலாளரும், எதிர்க்கட்சி தலைவருமான எடப்பாடி பழனிசாமி இன்று (ஞாயிற்றுக்கிழமை) நெல்லை வருகிறார். இதற்காக சென்னையில் இருந்து விமானம் மூலம் தூத்துக்குடி வரும் அவர், பாளையங்கோட்டையில் நடைபெறும் திருமண வரவேற்பு நிகழ்ச்சியில் பங்கேற்கிறார்.

பின்னர் அங்கிருந்து அம்பைக்கு காரில் புறப்பட்டு செல்கிறார். மாலை 5 மணி அளவில் அம்பை-ஆலங்குளம் ரோட்டில் வடக்கு ரதவீதியில் அ.தி.மு.க. 53-வது ஆண்டு விழா பொதுக்கூட்டம் நடைபெறுகிறது. அதில் எடப்பாடி பழனிசாமி கலந்து கொண்டு பேசுகிறார்.

பின்னர் அவர் நெல்லை சந்திப்பு ரெயில் நிலையத்துக்கு வந்து, அங்கிருந்து ரெயில் மூலம் சேலம் புறப்பட்டு செல்கிறார்.