சென்னை,

தமிழ்நாட்டில் கடந்த சில நாட்களாக வெப்பத்தின் தாக்கம் அதிகரித்து வருகிறது. ஒரிரு மாவட்டங்களில் மழை பெய்தபோதும், பெரும்பாலான மாவட்டங்களில் வெயிலின் தாக்கம் அதிகமாக உள்ளது.

இந்நிலையில், தமிழ்நாட்டில் இன்று 9 இடங்களில் வெயில் சதம் அடித்துள்ளதாக வானிலை ஆய்வு மையம் தெரிவித்துள்ளது. இதில் அதிகபட்சமாக வேலூர் மற்றும் திருத்தணியில் 104 டிகிரி பாரன்ஹீட் வெப்பநிலை பதிவானதாக தெரிவிக்கப்பட்டுள்ளது.

இதற்கு அடுத்ததாக சென்னை மீனம்பாக்கம், நுங்கம்பாக்கம் மற்றும் கடலூரில் 103 டிகிரி பாரன்ஹீட் வெப்பநிலை பதிவு செய்யப்பட்டுள்ளது. மேலும் ஈரோட்டில் 102 டிகிரியும், மதுரை மற்றும் சேலத்தில் 100 டிகிரி பாரன்ஹீட் வெப்பநிலையும் பதிவாகி உள்ளது குறிப்பிடத்தக்கது.