சென்னை,

மேற்கு திசை காற்றின் வேகமாறுபாடு காரணமாக, இன்று தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்திருந்தது.

இந்த நிலையில், சென்னையின் பல்வேறு பகுதிகளில் தற்போது கனமழை பெய்து வருகிறது. இதன்படி சென்னை எழும்பூர், கோடம்பாக்கம், நுங்கம்பாக்கம், சென்னை சென்ட்ரல், புரசைவாக்கம், சைதாப்பேட்டை, கிண்டி, தி.நகர், கோவிலம்பாக்கம், போரூர், ஐயப்பந்தாங்கல், கோயம்பேடு, வடபழனி, மேடவாக்கம் உள்ளிட்ட இடங்களில் கனமழை கொட்டித் தீர்த்து வருகிறது.