மும்பை,

17-வது ஆசிய கோப்பை கிரிக்கெட் தொடர் செப்டம்பர் 9-ந்தேதி முதல் 28-ந்தேதி வரை ஐக்கிய அரபு அமீரகத்தில் நடைபெறுகிறது. இந்த தொடர் இம்முறை டி20 வடிவில் நடத்தப்பட உள்ளது. இந்த தொடரில் மொத்தம் 8 அணிகள் பங்கேற்கின்றன. அவை இரு பிரிவாக பிரிக்கப்பட்டுள்ளன.

'ஏ' பிரிவில் நடப்பு சாம்பியன் இந்தியா, பாகிஸ்தான், ஐக்கிய அரபு அமீரகம், ஓமன் அணிகளும், 'பி' பிரிவில் ஆப்கானிஸ்தான், வங்காளதேசம், இலங்கை, ஹாங்காங் அணிகளும் இடம் பெற்றுள்ளன. ஒவ்வொரு அணியும் மற்ற அணிகளுடன் தலா ஒரு முறை மோதும். லீக் சுற்று முடிவில் இரு பிரிவிலும் முதல் இரு இடங்களை பிடிக்கும் அணிகள் சூப்பர்4 சுற்றுக்கு முன்னேறும்.

இந்நிலையில் இந்த தொடருக்கான முதற்கட்ட அணியை வங்காளதேசம் அறிவித்துள்ளது. லிட்டன் தாஸ் தலைமையிலான அந்த அணியில் 25 வீரர்கள் இடம்பெற்றுள்ளனர்.

வங்காளதேச அணி விவரம் பின்வருமாறு:-

லிட்டன் தாஸ் (கேப்டன்), தன்சித் ஹசன் தமீம், எம்டி நைம் ஷேக், சௌமியா சர்க்கார், முகமது பர்வேஸ் ஹொசைன் எமன், எம்டி தவ்ஹித் ஹிரிடோய், ஜேக்கர் அலி அனிக், எம்டி மெஹிதி ஹசன் மிராஸ், ஷமிம் ஹொசைன், நஸ்முல் ஹொசைன் சாண்டோ,ரிஷாத் ஹொசைன், ஷாக் மஹேதி ஹசன், எம்.டி தன்வீர் இஸ்லாம், நசும் அகமது, ஹசன் மஹ்மூத், தஸ்கின் அகமது, எம்.டி தன்சிம் ஹசன் சாகிப், எம்.டி சைபுதீன், நஹித் ராணா,முஸ்தாபிசுர் ரஹ்மான், ஷோரிபுல் இஸ்லாம், சையத் கலீத் அகமது, குவாஸி நூருல் ஹசன் சோஹன், மஹிதுல் இஸ்லாம் பூயான் அன்கோன், முகமது சைப் ஹசன்.