சீன் அபோட், மைக்கேல் பிரேஸ்வெல், பென் துவார்ஷியூஸ், டேரில் மிச்செல், தசுன் ஷனகா, டாம் பாண்டன், ஜோர்டன் காக்ஸ், ஜோஷ் இங்லிஸ், கைல் ஜேமிசன், ஆடம் மில்னே லுங்கி நிகிடி ஆகியோரை எந்த அணியும் வாங்க முன்வரவில்லை.

இலங்கை வீரரான பதும் நிசங்காவை ரூ.4 கோடிக்கு டெல்லி கேப்பிடல்ஸ் வாங்கியுள்ளது.

ஆஸ்திரேலிய ஆல் ரவுண்டரான மேத்யூ ஷார்ட்டை அடிப்படை விலையான ரூ.1.5 கோடிக்கே சென்னை சூப்பர் கிங்ஸ் வாங்கியுள்ளது. 

45 நிமிடங்கள் இடைவெளி விடப்பட்ட ஏலம் மீண்டும் தொடங்கியுள்ளது. இதில் முதல் வீரராக வந்த செதிகுல்லா அடலை எந்த அணியும் வாங்கவில்லை. 

ஏலத்தில் தற்போது 45 நிமிடங்கள் இடைவெளி விடப்பட்டுள்ளது. 

அன்கேப்டு சுழற்பந்து வீச்சாளர்கள் வரிசையில் இடம்பெற்றிருந்த யாஷ் ராஜ் மற்றும் விக்னேஷ் புதூரை ராஜஸ்தான் ராயல்சும், பிரஷாந்த் சோலங்கியை கொல்கத்தா அணியும் அவர்களது அடிப்படை விலையான ரூ. 30 லட்சத்துக்கு வாங்கியுள்ளன.

இதே வரிசையில் இடம்பெற்றிருந்த வஹிதுல்லாஹ் ஜத்ரான், ஷிவம் சுக்லா, குமார் கார்த்திகேயா ஆகியோரை எந்த அணியும் வாங்கவில்லை. அதேபோல் கரண் சர்மாவையும் எந்த அணியும் சீண்டவில்லை. 

அன்கேப்டு வேகப்பந்து வீச்சாளரான அசோக் சர்மாவை ரூ.90 லட்சத்துக்கு குஜராத் வாங்கியுள்ளது. அதேபோல் மற்றொரு அன்கேப்டு வேகப்பந்து வீச்சாளரான கார்த்திக் தியாகியை அடிப்படை விலையான ரூ. 30 லட்சத்துக்கு கொல்கத்தா வாங்கியுள்ளது. இந்த வரிசையில் நமன் திவாரியை ரூ.1 கோடிக்கு லக்னோ வாங்கியுள்ளது.

ஆனால் ராஜ் லிம்பானி, சிமர்ஜீத் சிங், ஆகாஷ் மத்வால், ஆகியோரை யாரும் வாங்க முன்வரவில்லை. 

தமிழக விக்கெட் கீப்பரான துஷார் ரஹேஜாவை எந்த அணியும் வாங்கவில்லை. 

இளம் விக்கெட் கீப்பர்களான முகுல் சவுத்ரியை ரூ.2.60 கோடிக்கு லக்னோ அணியும், தேஜஸ்வி சிங்கை ரூ.3 கோடிக்கு கொல்கத்தா அணியும் வாங்கியுள்ளன. இருவரின் அடிப்படை விலை ரூ.30 லட்சம் என்பது குறிப்பிடத்தக்கது. 

அன்கேப்டு விக்கெட் கீப்பர்கள் செட்டில் இடம்பெற்றிருந்த 19 வயதே ஆன கார்த்திக் சர்மாவை ஏலத்தில் எடுக்க முன்னாள் சாம்பியன்களான சென்னை சூப்பர் கிங்ஸ் - கொல்கத்தா நைட் ரைடர்ஸ் அணிகள் இடையே கடும் போட்டி நிலவியது. இதனால் இவரது விலை ரூ.30 லட்சத்திலிருந்து உயர்ந்து கொண்டே சென்றது.

இறுதியில் ரூ.14.20 கோடி என்ற பிரமாண்ட தொகைக்கு சென்னை சூப்பர் கிங்ஸ் அவரை வாங்கியுள்ளது. இதன் மூலம் அதிக தொகைக்கு ஏலம் போன அன்கேப்டு வீரர் என்ற பிரஷாந்த் வீரின் சாதனையை கார்த்திக் சர்மா சமன் செய்துள்ளார்.

பிரஷாந்த் வீரையும் சென்னை சூப்பர் கிங்ஸ் அணி இதே ஏலத்தில்தான் வாங்கியுள்ளது குறிப்பிடத்தக்கது.