ஐபிஎல் மினி ஏலம்: 77 வீரர்களை வாங்கிய அணிகள்...அதிக தொகைக்கு போனவர் யார்?
image courtesy:PTI
image courtesy:PTI
அடுத்த ஐ.பி.எல். தொடருக்கான வீரர்களின் மினி ஏலம் இன்று நடைபெற்றது.
அபுதாபி,
19-வது ஐ.பி.எல். கிரிக்கெட் போட்டிக்கான வீரர்களின் மினி ஏலம் அபுதாபியில் இன்று நடைபெற்றது. ஏலப்பட்டியலில் 240 இந்தியர், 110 வெளிநாட்டவர் என மொத்தம் 350 வீரர்கள் இடம் பெற்றிருந்தனர். கடைசி நேரத்தில் மேலும் 19 வீரர்கள் கூடுதலாக சேர்க்கப்பட்டுள்ளனர். இதில் இருந்து 77 வீரர்கள் வரை ஏலத்தில் எடுக்கப்பட உள்ளனர்.மினி ஏலம் தற்போது தொடங்கியுள்ளது. ஏலத்தை மும்பையை சேர்ந்த மல்லிகா சாகர் நடத்துகிறார். இதில் முதல் வீரராக வந்த ஜேக் பிரேசர் மெக்கர்க்கை யாரும் ஏலத்தில் வாங்கவில்லை. இதனையடுத்து வந்த டேவிட் மில்லரை அடிப்படை விலையான ரூ.2 கோடிக்கு டேல்லி கேப்பிடல்ஸ் வாங்கியுள்ளது.
இந்த ஏலத்தில் அதிக தொகைக்கு ஏலம் போவார் என்று எதிர்பார்க்கப்பட்ட ஆஸ்திரேலிய ஆல்-ரவுண்டர் கேமரூன் கிரீனை ஏலத்தில் வாங்க அணிகளுக்கு இடையே கடும் போட்டி நிலவியது. முதலில் ராஜஸ்தான் ராயல்ஸ் மற்றும் கொல்கத்தா நைட் ரைடர்ஸ் அணிகள் மல்லுக்கட்டினர். ஒரு கட்டத்தில் ராஜஸ்தான் விலகியது. இதனையடுத்து சென்னை சூப்பர் கிங்ஸ் கோதாவில் குதித்தது. இவரை வாங்க சென்னை - கொல்கத்தா இடையே கடும் போட்டி நிலவியது. இதனால் இவரது விலை எகிறி கொண்டே சென்றது. இறுதியில் ரூ. 25.20 கோடிக்கு அவரை கொல்கத்தா நைட் ரைடர்ஸ் வாங்கியது. இதன் மூலம் ஐ.பி.எல். வரலாற்றில் அதிக தொகைக்கு ஏலம் போன 3-வது வீரர் என்ற சாதனையை அவர் படைத்துள்ளார்.
இந்நிலையில் மினி ஏலம் முடிவடைந்துள்ளது. அணிகள் தங்களுக்கு தேவையான வீரர்களை (மொத்தம் 77) போட்டி போட்டு வாங்கின. இந்த ஏலத்தில் அதிகபட்ச தொகைக்கு எதிர்பார்த்தது போலவே கேமரூன் கிரீன் ரூ.25.20 கோடிக்கு கொல்கத்தா அணியால் வாங்கப்பட்டார்.
Live Updates
- 16 Dec 2025 9:17 PM IST
ஆடம் மில்னே (ரூ.2.40 கோடி), குல்தீப் சென் (ரூ.75 லட்சம்) ஆகியோரை ராஜஸ்தான் ராயல்ஸ் வாங்கியது.
இங்கிலாந்து வீரர்களான டாம் பான்டனை ரூ.2 கோடிக்கும், லுக் வுட்டை ரூ. 75 லட்சத்துக்கும், இந்திய வீரரான பிரித்வி ராஜை ரூ. 30 லட்சத்துக்கும் குஜராத் டைட்டன்ஸ் அணி வாங்கியது.
கடைசி வீரராக நியூசிலாந்து வேகப்பந்து வீச்சாளரான கைல் ஜேமிசனை டெல்லி கேப்பிடல்ஸ் ரூ. 2 கோடிக்கு வாங்கியது.
- 16 Dec 2025 9:12 PM IST
விலை போகாத வீரர்களுக்கான மறு ஏலம் நடைபெற்று வருகிறது. இதில் கனிஷ்க் சவுஹான் (ரூ.30 லட்சம்), விஹான் மல்ஹோத்ரா (ரூ.30 லட்சம்), விக்கி ஒஸ்த்வால் (ரூ.30 லட்சம்) ஆகியோரை நடப்பு சாம்பியன் ராயல் சேலஞ்சர்ஸ் பெங்களூரு வாங்கியது.
- 16 Dec 2025 9:08 PM IST
நியூசிலாந்து ஆல் ரவுண்டரை வாங்கிய சென்னை சூப்பர் கிங்ஸ்:
தொடக்கத்தில் விலை போகாத வீரர்களுக்கான மறு ஏலம் நடைபெற்றது. இதில் நியூசிலாந்து ஆல் ரவுண்டரான ஜாக் பவுல்க்சை ரூ.75 லட்சம் என்ற அடிப்படை விலைக்கு சென்னை சூப்பர் கிங்ஸ் வாங்கியுள்ளது.
- 16 Dec 2025 9:05 PM IST
3-வது முறையாக ஏலத்தில் வந்த பிரித்வி ஷாவை டெல்லி கேப்பிடல்ஸ் அணி ரூ.75 லட்சத்துக்கு வாங்கியது. இவர் தனது கெரியரை டெல்லி அணியில்தான் தொடங்கினார் என்பது குறிப்பிடத்தக்கது.
- 16 Dec 2025 8:41 PM IST
ஆஸ்திரேலியாவை சேர்ந்த இளம் அதிரடி பேட்ஸ்மேனான ஜாக் எட்வர்ட்சை ரூ. 3 கோடிக்கு சன்ரைசர்ஸ் ஐதராபாத் வாங்கியுள்ளது.
- 16 Dec 2025 8:38 PM IST
முதல் சுற்றில் விலை போகாத சில அன்கேப்டு வீரர்களை ரூ.30 லட்சம் என்ற அடிப்படை விலைக்கே அணிகள் வாங்கின.
அதன்படி, விஷால் நிஷாத், பிரவீன் துபேவை பஞ்சாப் கிங்சும், சாஹில் பராக்கை டெல்லி கேப்பிடல்ஸ் அணியும், பிரிஜேஷ் சர்மாவை ராஜஸ்தான் ராயல்ஸ் அணியும் வாங்கின.
- 16 Dec 2025 8:34 PM IST
லுங்கி நிகிடியை ரூ. 2 கோடிக்கு டெல்லி கேப்பிடல்ஸ் வாங்கியுள்ளது.
மறுபுறம் அடிப்படை விலைக்கு (ரூ.30 லட்சம்) ராஜஸ்தான் ராயல்ஸ் அமன் ரா என்ற அன்கேப்டு வீரரையும், மும்பை இந்தியன்ஸ் மயங்க் ராவத் என்ற அன்கேப்டு வீரையும் வாங்கியுள்ளன.
- 16 Dec 2025 8:30 PM IST
முதல் சுற்றில் விலை போகாத ஜோர்டன் காக்சை ரூ. 75 லட்சத்துக்கு ஆர்சிபி அணியும், ஜோஷ் இங்கிலிசை ரூ. 8.60 கோடிக்கு லக்னோ அணியும் வாங்கியுள்ளன.
- 16 Dec 2025 8:28 PM IST
முதல் சுற்றில் விலை போகாத பென் துவார்ஷுயிசை ரூ. 4.40 கோடிக்கு பஞ்சாப் கிங்ஸ் வாங்கியுள்ளது.
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper) Archive Sitemap
காப்புரிமை 2024, © The Thanthi Trust Powered by Hocalwire