கவுகாத்தி,

உலக ஜூனியர் பேட்மிண்டன் சாம்பியன்ஷிப் போட்டி கவுகாத்தியில் நடந்து வருகிறது. இதில் நேற்று நடந்த பெண்கள் ஒற்றையர் அரையிறுதி ஆட்டம் ஒன்றில் இந்தியாவின் தன்வி ஷர்மா, லியு சி யாவை (சீனா) சந்தித்தார்.

விறுவிறுப்பான இந்த ஆட்டத்தில் தன்வி ஷர்மா 15-11, 15-9 என்ற நேர்செட்டில் லியு சி யாவை தோற்கடித்து இறுதிப்போட்டிக்குள் நுழைந்தார். இதனால் அவருக்கு குறைந்தபட்சம் வெள்ளிப்பதக்கம் உறுதியானது.

இறுதிப்போட்டியில் தன்வி ஷர்மா, தாய்லாந்தின் அனயாபட்டை சந்திக்கிறார்.