ஆளுமை வளர்ச்சி

விழித்திறன் பாதித்தவர்களுக்கு உதவும் ‘மாணவிகளின் கண்டுபிடிப்பு’ + "||" + bright mission for dull vision..!

விழித்திறன் பாதித்தவர்களுக்கு உதவும் ‘மாணவிகளின் கண்டுபிடிப்பு’

விழித்திறன் பாதித்தவர்களுக்கு உதவும் ‘மாணவிகளின் கண்டுபிடிப்பு’
சந்தையில் ஏற்கனவே இருக்கும் பிரெய்லி எழுத்துக்கள் பொறிக்கப்பட்ட கருவியை வாங்குவதற்கு அதிக பொருட்செலவு ஆகும். நாங்கள் மலிவான பொருள் மற்றும் எளிதான உற்பத்தி முறையைப் பயன்படுத்துகிறோம்.
பிரான்சு நாட்டைச் சேர்ந்த லூயிஸ் பிரெய்ல் என்பவரின் கண்டுபிடிப்பான ‘பிரெய்லி எழுத்து முறை’ பார்வைத்திறன் குறைபாடு உடைய மாற்றுத்திறனாளிகளுக்கு மிகவும் உதவியாக இருக்கிறது.  

பிரெய்லி என்பது பார்வையற்றவர்கள் அல்லது குறைந்த பார்வை உள்ளவர்கள் தங்கள் விரல்களால் தடவி படிக்கக்கூடிய  புள்ளிகளின் அமைப்பாகும். உலகெங்கிலும் உள்ள ஆயிரக்கணக்கான மக்கள், தங்கள் தாய்மொழிகளில் பிரெய்லியைப் பயன்படுத்துகின்றனர். இந்த முறையை அடுத்த கட்டத்திற்கு கொண்டு சென்றிருக்கிறார்கள் 6 கல்லூரி மாணவிகள்!

சாந்தனி தோஷி, கிரேஸ் லி, ஜியாலின் ஷி, போனி வாங், சார்லின் சியா மற்றும் டானியா யூ ஆகியோர் மசாசூசெட்ஸ் தொழில்நுட்ப நிறுவனத்தில் மெட்டீரியல் சயின்ஸ், மெக்கானிக்கல் மற்றும் எலக்ட்ரிக்கல் என்ஜினீயரிங், மற்றும் கம்ப்யூட்டர் சயின்ஸ் ஆகியவற்றில் இளங்கலை பட்டம் பெற்ற மாணவிகள். 

தங்கள் கல்வி நிறுவனத்தில் நடந்த போட்டிக்காக ‘அச்சிடப்பட்ட எழுத்துக்களை பிரெய்லி எழுத்துக்களாக உடனடியாக மொழிபெயர்க்கும் சாதனம்’ உருவாக்குவதற்கு அவர்கள் திட்டம் வகுத்தனர். பல இடர்பாடுகளுக்கு மத்தியில், 15 மணி நேரத்தில் அதனை தயாரித்தனர். அந்தக் கருவிக்கு ‘டக்டைல்’ (தொட்டு உணரக்கூடிய) என்று பெயர் சூட்டினார்கள்.

அச்சடிக்கப்பட்ட எழுத்துக்கள் கொண்ட புத்தகத்தின் ஒரு பகுதியை அந்தக் கருவியில் பொருத்த வேண்டும். சாதனத்தில் உள்ள கேமரா, குறிப்பிட்ட பகுதியில் உள்ள எழுத்துக்களை மைக்ரோ கண்ட்ரோலருக்கு தகவல் அனுப்பும். மின்காந்த செயல்படுத்தும் பொறிமுறையின் மூலம், சாதனத்தின் மேற்புறத்தில் உள்ள பிரெய்லி எழுத்துக்கள் அதற்கேற்றார்போல மேலும் கீழுமாக அசையும். இதன் மூலம் அச்சடிக்கப்பட்ட எழுத்துக்களின் தகவல் பிரெய்லி எழுத்து வாசகமாக மாற்றப்படும். பிறகு மீண்டும் பழைய நிலைக்கு திரும்பி அடுத்த பகுதிக்குச் செல்லும். இந்தக் கருவியைப் பயன்படுத்தி பார்வையற்றவர்கள் சரளமாக எதை வேண்டுமானாலும் படிக்க முடியும்.

“சந்தையில் ஏற்கனவே இருக்கும் பிரெய்லி எழுத்துக்கள் பொறிக்கப்பட்ட கருவியை வாங்குவதற்கு அதிக பொருட்செலவு ஆகும். நாங்கள் மலிவான பொருள் மற்றும் எளிதான உற்பத்தி முறையைப் பயன்படுத்துகிறோம். எனவே இந்தக் கருவியை குறைந்த விலையில் வாங்க முடியும். இது பார்வையற்ற சமூகத்திற்கு தகவல்களை புரிந்து கொள்ள ஒரு சிறந்த வழி என்று நாங்கள் நம்புகிறோம்’’ என்கிறார் இந்தக் கருவியை கண்டுபிடித்த மாணவிகளுள் ஒருவரான டானியா யூ.

“பெண்களாலும் சாதிக்க முடியும். சமூகத்துக்கு பயனுள்ள கண்டுபிடிப்புகளை நிகழ்த்த முடியும்” என்கிறார்கள் இந்த மாணவிகள். 

தொடர்புடைய செய்திகள்

1. மாதவிடாய் வலியைக் குறைக்கும் சுப்த பத்தகோனாசனம்
வடமொழியில் ‘சுப்த’ என்றால் ‘படுத்திருத்தல்’, ‘பத்த கோனாசனம்’ என்றால் ‘கட்டப்பட்ட ஆசன நிலை’ என்று பொருள். எனவே தான் இந்த ஆசனத்தை ‘சுப்த பத்தகோனாசனம்’ என அழைக்கிறார்கள்.
2. மாடலிங்கில் கலக்கும் கிராமத்து தேவதை - ஸ்டெபி கிட்டில்
கிராமத்தில் இருந்து வந்ததால், சாராசரி பெண்ணுக்கு இருக்கும் மேக்கப் நுணுக்கங்கள்கூட அப்போது எனக்கு தெரியாது. சரியாக மேக்கப் போடத் தெரியாது. மாடலிங், நடிப்பு போன்றவற்றில் பயிற்சி பெற்றது இல்லை. மிகவும் சிரமப்பட்டு ஒவ்வொன்றாகக் கற்றேன்.
3. ஓரிகாமி நகைகள்
ஓரிகாமி நகைகள் ஜப்பானியர்களின் காகிதக் கலை வடிவத்தை அடிப்படையாகக் கொண்டு உருவாக்கப்படுகின்றன.
4. நேரமின்மையால் உணர்வுகளை இழக்க வேண்டாம்..
நம் சுயநலத்துக்காகவும், பிற்காலத்தில் கிடைக்கப்போகும் சிறு பலனுக்காகவும் நிகழ்கால வாழ்வை மறந்து விடுகிறோம். கடிவாளம் கட்டிய குதிரையைப் போல, எதையோ நோக்கி, ஒரு நேர்கோட்டில் ஓடிக் கொண்டிருக்கிறோம்.
5. பெண்களை அதிகம் பாதிக்கும் ஒற்றைத் தலைவலி
ஆண்களை விட, பெண்களையே ஒற்றைத் தலைவலி அதிகம் பாதிக்கிறது. இது குறித்த மருத்துவ ஆய்வுகளின் அடிப்படையில், அதிக ஈஸ்ட்ரோஜன் அளவுக்கும், குறைவான சோடியம் புரோட்டான் எக்ஸ்சேஞ்சர் அளவுக்கும் உள்ள தொடர்பே இந்த மாறுபாட்டுக்குக் காரணமாக இருக்கலாம் என கூறப்படுகிறது.