ஆளுமை வளர்ச்சி

மூலிகைப் பொருட்கள் தயாரிப்பில் வெற்றி பெற்ற கவிதா + "||" + Kavita is successful in the production of herbal products

மூலிகைப் பொருட்கள் தயாரிப்பில் வெற்றி பெற்ற கவிதா

மூலிகைப் பொருட்கள் தயாரிப்பில் வெற்றி பெற்ற கவிதா
என்னைப்போன்று திருமணமான பெண்களும் வீட்டில் இருந்தே இத்தொழிலை ஆரம்பிக்கலாம். குறைந்த முதலீட்டில் ஆரம்பித்தாலே நிறைவாக சம்பாதிக்க முடியும்.
ற்போது பலரும் தாங்கள் தினசரி பயன்படுத்தும் பொருட்கள் இயற்கையாகவும், நன்மை அளிப்பதாகவும் இருக்க வேண்டும் என மூலிகைப் பொருட்கள் பயன்பாட்டுக்கு மாறிவருகின்றனர். இம்மாற்றத்துக்கான தொடக்கத்தை 15 வருடங்களுக்கு முன்னரே திருநெல்வேலியைச் சேர்ந்த கவிதா நிகழ்த்தியுள்ளார். இது குறித்து அவருடைய உரையாடல்..

“நான் கடந்த 15 வருடங்களாக மூலிகை மதிப்பு கூட்டுப் பொருட்களை தயாரித்து விற்பனை செய்து வருகிறேன். எனக்கு திருமணமான பிறகு கணவரின் வழிகாட்டுதலின்படி இந்தத் தொழிலில் ஈடுபட ஆரம்பித்தேன். 

முதலில் எங்கள் பகுதியில் மட்டும் ஆரம்பித்த விற்பனை தற்போது, தமிழ்நாடு மற்றும் புதுச்சேரி முழுவதும் விரிவடைந்துள்ளது. 

நாய் கடுகு, வெண்கடுகு, மருதாணி விதை, ஓமக்குச்சி, ஆலங்குச்சி, கஸ்தூரி மஞ்சள், ஆவாரம் பொடி, துளசி பொடி, கருங்காளி என 65-க்கும் மேற்பட்ட மூலிகைகளைக் கொண்டு மூலிகை சாம்பிராணி தயார் செய்து விற்பனை செய்து வருகிறேன். இது சிறந்த கிருமி நாசினியாக செயல்படுகிறது.

குழந்தைகள் முதல் பெரியவர் வரை கூந்தல் பராமரிப்புக்கும் இந்த மூலிகை சாம்பிராணியைப் பயன்படுத்தலாம். தலைக்கு குளித்து முடித்தபின்பு சாம்பிராணி தூபம் போடுவதன் மூலம் பேன், பொடுகு, சைனஸ், தலைவலி, தலையில் நீர்கோர்த்தல் போன்ற பிரச்சினைகளை தவிர்க்கலாம்.

இவற்றைத் தவிர, தர்ப்பை புல் பாய், 30-க்கும் மேற்பட்ட மூலிகைகளைக் கொண்டு ஊதுவர்த்தி போன்றவற்றையும் தயாரித்து விற்பனை செய்கிறோம். தர்ப்பைப் புல் பாயில் அமர்ந்து யோகா செய்தல், உணவு சாப்பிடுதல், குழந்தைகள் படித்தல் போன்ற வேலைகளை செய்யும்போது உடல் மற்றும் மனநலம் மேம்படும்.

நீண்ட நேரம் நிலைத்து எரியும் வகையில் மூலிகை ஊதுவர்த்தியை தயார் செய்கிறோம். இந்த ஊதுவர்த்தியை யோகா, உடற்பயிற்சி, தியானம் போன்றவற்றைச் செய்யும்போதும், படிக்கும்போதும் பயன்படுத்தினால் கவனச்சிதறல் ஏற்படாது.

குறைந்த முதலீட்டில் இத்தொழிலை தொடங்கினேன். தற்போது போதுமான வருமானமும், சிறந்த பொருளை அடுத்த தலைமுறைக்கு கொடுக்கிறோம் என்ற திருப்தியும் கிடைக்கிறது. என்னைப்போன்று திருமணமான பெண்களும் வீட்டில் இருந்தே இத்தொழிலை ஆரம்பிக்கலாம். குறைந்த முதலீட்டில் ஆரம்பித்தாலே நிறைவாக சம்பாதிக்க முடியும்” என்கிறார் கவிதா.

தொடர்புடைய செய்திகள்

1. தேசிய பெண் குழந்தைகள் தினம்
சமூகத்தில் பெண் குழந்தைகளுக்கு சம உரிமை, சம வாய்ப்பு அளிப்பதை உறுதி செய்யும் பொருட்டு, 2008-ம் ஆண்டு ஜனவரி மாதம் 24-ந் தேதி முதல் ‘தேசிய பெண் குழந்தைகள் தினம்’ கொண்டாடப்படுகிறது
2. சக்கர நாற்காலியில் அமர்ந்து சாதிக்கத் தூண்டும் டெல்பின்
என்னுடைய கவலைகளைக் காது கொடுத்து கேட்கவும் யாருமில்லை. அந்த நொடியில்தான், நாம் ஏன் இன்னொருவருக்கான காதுகளாக இருக்கக் கூடாது? எனத் தோன்றியது. உடனடியாக அதற்கான அமைப்பைத் தொடங்கினேன்.
3. வீட்டு உபயோகப் பொருட்கள் பராமரிப்பு
வீட்டில் யு.பி.எஸ். பயன்படுத்துபவர்கள் இன்வர்ட்டரை சார்ஜ் செய்யும்பொழுது, அதன் அனுமதிக்கப்பட்ட வேகத்தைவிட கூடுதல் வேகத்துடன் சார்ஜ் செய்யக் கூடாது.
4. சருமத்தை கண்ணாடி போல மாற்றும் ‘அரிசி பேஷியல்’
இந்த பேஷியல் சருமத்தில் எஞ்சி இருக்கும் அழுக்குகள் மற்றும் இறந்த செல்களை முற்றிலும் நீக்கும். முகம் பொலிவும் பெறும்.
5. அரசுப்பள்ளி ஆசிரியர்களுக்கு முன்மாதிரியான உமா
சிறந்த ஆசிரியர் என்பதை விட, மாணவர்கள் ஏற்றுக்கொள்ளும்படியான ஆசிரியராக மாறியிருக்கிறேன். காலம் மாறிக்கொண்டே இருக்கிறது. நிறைய கற்றுக்கொள்ள வேண்டியிருக்கிறது.