பொழுதுபோக்கு

சினிமா பிடிக்கும் - ஸ்ருதி செல்வம் + "||" + i love cinema- actress shruthi selvam

சினிமா பிடிக்கும் - ஸ்ருதி செல்வம்

சினிமா  பிடிக்கும் - ஸ்ருதி செல்வம்
உடற்பயிற்சி செய்யும் தருணங்களை வீடியோ மற்றும் புகைப்படங்களாக இன்ஸ்டாகிராமில் பதிவிட்டேன். அதன் மூலம் பார்வையாளர்கள் அதிகரித்தனர். அதன் வழியாக தொலைக்காட்சி நெடுந்தொடர்களில் நடிப்பதற்கு வாய்ப்புகள் கிடைத்தன.
தொலைக்காட்சி நெடுந்தொடர்களில் நடித்து, திரைப்பட நடிகையாக முன்னேறியவர்கள் வரிசையில் புதுவரவு ஸ்ருதி செல்வம். அவருடன் நடந்த உரையாடல்...

உங்களைப் பற்றி?
சொந்த ஊர் சேலம். அப்பா செல்வம் விமானப் படை அதிகாரி. அவர் பணிபுரிந்தது வட மாநிலங்களில் என்பதால், எனது பள்ளிப் படிப்பெல்லாம் அங்கேதான் முடிந்தது. கோவையில் கல்லூரிப் படிப்பை முடித்தேன். ‘ஏரோநாட்டிகல் என்ஜினீயரிங்' படித்தேன். அம்மா ஹேமலதா இல்லத்தரசி. தம்பி விசேஷ்.

நடிக்க வந்தது எப்படி?
கல்லூரியில் 2-ம் ஆண்டு படித்தபோது என் நட்பு வட்டத்தில் சிலர், ‘உன்னுடைய தோற்றம் ‘போட்டோ ஜெனிக்’கா இருக்கு. நீ ஏன் சினிமாவில் நடிக்க முயற்சி செய்யக்கூடாது?' என்று கேட்டு ஆர்வத்தைத் தூண்டினார்கள். அதே காலகட்டத்தில் கல்லூரியின் சீனியர் மாணவர்கள் பங்களிப்பில் உருவான ஆல்பங்களில் நடிக்கும் வாய்ப்புகள் கிடைத்தன. அதற்கு வரவேற்பும், விருதுகளும் கிடைத்தன. 

அந்த ஆல்பம் வெளியான ஒரே நாளில் சமூக வலைத்தளங்களில் என்னைப் பின்பற்றுவோர் எண்ணிக்கை அதிகரித்தது. அதன் மூலம் குறும்படங்களில் நடிப்பதற்காக கிடைத்த வாய்ப்புகளைப் பயன்படுத்திக் கொண்டேன். இனி நம் எதிர்காலம் நடிப்பு சார்ந்துதான் இருக்க வேண்டும் என தீர்மானித்தேன்.

உடற்பயிற்சி செய்யும் தருணங்களை வீடியோ மற்றும் புகைப்படங்களாக இன்ஸ்டாகிராமில் பதிவிட்டேன். அதன் மூலம் பார்வையாளர்கள் அதிகரித்தனர். அதன் வழியாக தொலைக்காட்சி நெடுந்தொடர்களில் நடிப்பதற்கு வாய்ப்புகள் கிடைத்தன.

நெடுந்தொடர்களில் நடித்தது பற்றி சொல்லுங்கள்?
‘கடைக்குட்டி சிங்கம்', ‘தாழம்பூ', ‘யாரடி நீ மோகினி' போன்ற தொடர்களில் நடித்தேன். பின்னர் சினிமா வாய்ப்புகளுக்கான முயற்சியில் இறங்கினேன். நடனப் பயிற்சியாளர் சாண்டி கதாநாயகனாக நடித்துள்ள படத்தில், கதாநாயகியாக நடித்தேன். மேலும் சில படங்களில் நடிக்கவிருக்கிறேன். பேசப்படக்கூடிய கதாபாத்திரங்களில் நடித்து பெயர் பெற வேண்டும், சிறந்த நடிகைக்கான விருதுகள் பெற வேண்டும் என்பது எனது லட்சியம்.

பிடித்த உணவுகள்?
அசைவ உணவுகளின் மீது விருப்பம் அதிகம். அவை உடற்பருமனை அதிகரிப்பதாகத் தோன்றியதன் காரணமாக சைவ உணவுகளுக்கு பழகிக் கொண்டேன்.

உங்கள் தனித்திறமைகள்?
கல்லூரி நாட்களில் ‘பாலே’ உள்ளிட்ட சில வகை நடனங்கள் கற்றுக் கொண்டேன். கிட்டத்தட்ட 100-க்கும் மேற்பட்ட நிகழ்ச்சிகளில் நடனம் ஆடி இருக்கிறேன். பைக் ஓட்டக் கற்றுக் கொண்டு, பைக் ரேஸில் ஈடுபடுகிறேன். சைக்கிளில் 100 கி.மீ., 200 கி.மீ. என நெடுந்தூரப் பயணம் மேற்கொள்வது, ஸ்கேட்டிங்கில் ஈடுபடுவது, பேட்மிண்டன் விளையாடுவது என பல விஷயங்களில் திறமையை வெளிப்படுத்தி வருகிறேன். இப்போது சிலம்பம் கற்றுக் வருகிறேன்.

பொழுதுபோக்கு?
ஆங்கில நாவல்கள் படிப்பேன். சேத்தன் பகத்தின் அத்தனை படைப்புகளையும் படித்துள்ளேன். வீட்டில் தோட்டத்தைப் பராமரிப்பதில் கவனம் செலுத்துவேன்.  

தொடர்புடைய செய்திகள்

1. மலைவாழ் மக்களிடையே மாற்றம் ஏற்படுத்திய மகாலட்சுமி
கொரோனா காலத்தில் பள்ளி மாணவர்களுக்கு இணைய வழியாக வகுப்புகள் நடந்தன. ஆனால், ஸ்மார்ட்போன் வாங்கும் வசதி இல்லாத காரணத்தால் பழங்குடி மாணவர்களின் கல்வியில் தேக்கம் ஏற்பட்டது. அவர்களுக்கு மீண்டும் கல்வியின் மீது கசப்பு வந்துவிடக் கூடாது என எண்ணினேன். எனவே, மீண்டும் மாணவர்களைத் தேடி அவர்களின் வீடுகளுக்கே சென்று பாடங்களை எடுக்கத் தொடங்கினேன்.
2. அழகுக்கு அழகு சேர்க்கும் ‘லைட்-வெயிட்’ மேக்கப்!
முகத்துக்கு அழகு சேர்ப்பவை கண்கள். அவற்றை அழகுபடுத்துவதன் மூலம் மேக்கப் முழுமை பெறும். ஐ ஷேடோ, ஐ லைனர், மஸ்காரா போன்ற அழகு சாதனப் பொருட்களை பயன்படுத்தி கண்களின் அழகை அதிகரிக்கலாம்.
3. பேஷன் உலகில் கலக்கும் சந்தியா
சிறு வயதில் என் பள்ளி சார்பாக நடைபெற்ற ஆடை அலங்கார அணிவகுப்பு போட்டிக்காக தேர்ந்து எடுக்கப்பட்டேன். அதில் இருந்தே எனக்கு அழகாக ஆடை அணிவது மிகவும் பிடிக்கும். அதுவே நான் ஆடை வடிவமைப்பாளர் துறையை தேர்வு செய்ததற்கு எனக்கு தூண்டுதலாக இருந்தது.
4. பெண்களுக்கு எதிரான வன்முறை ஒழிப்பு தினம்
பெண்களுக்கு எதிரான வன்முறைகளில் 90 சதவிகிதம் நெருங்கிய உறவினர்கள், நண்பர்கள், உடன் இருப்பவர்கள், பணியிடம் மற்றும் பயிலும் இடங்களில் உள்ளவர்களால் ஏற்படுகிறது என கருத்துக் கணிப்புகள் தெரிவிக்கின்றன.
5. முத்தமிழ் வளர்க்கும் மணிமொழி
இயல், இசை, நாடகம் மூலமாக தமிழ்த்தொண்டு ஆற்றுவதே என் வாழ்நாள் லட்சியம். உயர்தனிச் செம்மொழியான தமிழ் மொழியின் அருமை இளைய தலைமுறைக்குத் தெரியவில்லை என்பது எனது ஆதங்கம். என் பேச்சு, கவிதை, பாடல் போன்றவற்றின் மூலம் தமிழை அவர்களிடம் கொண்டு சேர்க்க விரும்புகிறேன்.