மாவட்ட செய்திகள்

காட்டுயானை தாக்கி உயிரிழந்தவர்களின் குடும்பத்துக்கு ரூ.20 லட்சம் வழங்க வேண்டும் + "||" + Rs 20 lakhs will be given to the family of the victims who attacked the wildman

காட்டுயானை தாக்கி உயிரிழந்தவர்களின் குடும்பத்துக்கு ரூ.20 லட்சம் வழங்க வேண்டும்

காட்டுயானை தாக்கி உயிரிழந்தவர்களின் குடும்பத்துக்கு ரூ.20 லட்சம் வழங்க வேண்டும்
காட்டுயானை தாக்கி உயிரிழந்தவர்களின் குடும்பத்துக்கு ரூ.20 லட்சம் வழங்க வேண்டும் என்று தமிழ் மாநில காங்கிரஸ் இளைஞரணி தலைவர் யுவராஜா வலியுறுத்தி உள்ளார்.

ஊட்டி,

தமிழ் மாநில காங்கிரஸ் இளைஞரணி தலைவர் யுவராஜா நேற்று ஊட்டியில் நிருபர்களுக்கு பேட்டி அளித்தார். அப்போது அவர் கூறியதாவது:–

கேரள மாநிலத்தில் மழை வெள்ளத்தால் பாதிக்கப்பட்ட மக்களுக்கு ரூ.5 லட்சம் மதிப்பில் உணவு பொருட்கள், துணிகள், மருந்துகள் நேரடியாக அங்கு சென்று கொடுக்கப்பட்டு உள்ளது. கடந்த 4 மாதங்களாக பெட்ரோல், டீசல் விலை நாளுக்குநாள் உயர்ந்து வருவதால் 14 சதவீதம் வாகன வாடகை உயர்வு ஏற்பட்டு உள்ளதுடன், அத்தியாவசிய உணவு பொருட்களான பருப்பு, காய்கறிகள் போன்றவற்றின் விலை அதிகரித்து உள்ளது. இதனால் அனைத்து தரப்பு மக்களும் பாதிக்கப்பட்டு உள்ளனர். பெட்ரோல், டீசல் விலை உயர்வை கண்டித்து நாடு முழுவதும் இன்று(திங்கட்கிழமை) நடைபெறும் முழுஅடைப்பில் தமிழ் மாநில காங்கிரஸ் கலந்துகொள்ளும் என்று தலைவர் ஜி.கே.வாசன் அறிவித்து உள்ளார்.

நீலகிரி மாவட்டம் மலைப்பிரதேசமாக உள்ளதால் அடிக்கடி மழை மற்றும் பனியால் விவசாயம் பாதிக்கப்படுகிறது. மேலும் வனவிலங்குகள் விளைநிலங்களுக்குள் புகுந்து பயிர்களை நாசம் செய்கின்றன. இதனை கருத்தில் கொண்டு தமிழக அரசு அனைத்து விவசாயிகளுக்கும் இலவசமாக பயிர் காப்பீடு செய்து கொடுக்க வேண்டும். கூடலூர் பகுதியில் காட்டுயானைகள் தினமும் குடியிருப்பு பகுதிகளுக்குள் நுழைந்து வீடுகளை இடித்து அட்டகாசம் செய்வதும், விளைநிலங்களை நாசம் செய்வதும் தொடர் கதையாக உள்ளது. காட்டுயானை தாக்கியதில் உயிரிழந்தவர்களின் குடும்பத்துக்கு மத்திய, மாநில அரசுகள் நிவாரண தொகையாக ரூ.20 லட்சம் வழங்க வேண்டும்.

நீலகிரி மாவட்டத்தில் ஊட்டி, குன்னூர், கோத்தகிரி, மஞ்சூர் உள்பட பல்வேறு பகுதிகளில் கரடிகள் குட்டியுடன் ஊருக்குள் புகுந்தும், காட்டெருமைகள் நகர்ப்பகுதிகளுக்குள் நுழைந்தும் பொதுமக்களை அச்சுறுத்தி வருகின்றன. மாலை 6 மணிக்கு மேல் யாரும் வீட்டை விட்டு வெளியே வர முடியாத சூழ்நிலை நிலவுகிறது. வனவிலங்குகள் ஊருக்குள் புகுவதை தடுக்க வனத்துறை அதிகாரிகள் எந்தவித நடவடிக்கையும் எடுக்காமல் இருந்து வருகின்றனர். எனவே கரடி, காட்டெருமை ஊருக்குள் வராத வகையில் தடுக்க மத்திய, மாநில அரசுகள் உரிய நடவடிக்கை எடுக்க வேண்டும்.

குட்கா விவகாரத்தில் சுகாதாரத்துறை அமைச்சரை தமிழக முதல்–அமைச்சர் எடப்பாடி பழனிசாமி அமைச்சர் பொறுப்பில் இருந்து நீக்கம் செய்ய வேண்டும். போலீஸ் உயர் அதிகாரிகள் இந்த விவகாரத்தில் உள்ளதால், தமிழக அரசு தனது நம்பிக்கை தன்மையை நிரூபிக்கும் வகையில் உரிய நடவடிக்கையை மேற்கொள்ள வேண்டும். இவ்வாறு அவர் கூறினார். பேட்டியின்போது மாநில செயலாளர் சரத் கோபால் உடனிருந்தார்.



தொடர்புடைய செய்திகள்

1. வனப்பகுதியில் இருந்து பிரிப்பது துன்புறுத்துவது போன்றது: கோவில்களில் யானைகள் எந்த அடிப்படையில் வளர்க்கப்படுகின்றன? ஐகோர்ட்டு கேள்வி
கோவில்களில் யானைகள் எந்த அடிப்படையில் வளர்க்கப்படுகின்றன? என்பது குறித்து அறநிலையத்துறை கமி‌ஷனர் பதில் அளிக்க மதுரை ஐகோர்ட்டு உத்தரவிட்டு உள்ளது.
2. மும்பையின் உள்கட்டமைப்புக்கு முன்னுரிமை அளிக்க வேண்டும் காங்கிரஸ் கோரிக்கை
மராட்டியத்தின் 15-வது நிதி கமிஷனில் மும்பையின் உள்கட்டமைப்புக்கு முன்னுரிமை அளிக்க வேண்டும் என்று காங்கிரஸ் கோரிக்கை விடுத்துள்ளது.
3. விலை குறைவு என்றால் 37 ரபேல் விமானங்கள் மட்டும் வாங்குவது ஏன்? காங்கிரஸ் அடுத்த கேள்வி
விலை குறைவு என்றால் 37 ரபேல் விமானங்களை மட்டும் வாங்குவது ஏன்? என காங்கிரஸ் கேள்வி எழுப்பியுள்ளது.
4. காட்டுயானைகள் ஊருக்குள் புகுவதை தடுக்கக்கோரி விவசாயிகள் ஆர்ப்பாட்டம்
காட்டுயானைகள் ஊருக்குள் புகுவதை தடுக்கக்கோரி சேரம்பாடியில் விவசாயிகள் ஆர்ப்பாட்டத்தில் ஈடுபட்டனர்.
5. விஜய் மல்லையா நாட்டை விட்டு தப்பி ஓடியதற்கு காங்கிரஸ், பா.ஜனதா கட்சிகளே காரணம் - மாயாவதி குற்றச்சாட்டு
விஜய் மல்லையா நாட்டை விட்டு தப்பி ஓடியதற்கு காங்கிரஸ், பா.ஜனதா கட்சிகளே காரணம் என்று மாயாவதி குற்றம்சாட்டினார்.