மாவட்ட செய்திகள்

மதுரை விமான நிலையத்தில் கட்டு கட்டாக வெளிநாட்டு பணம் பறிமுதல், 5 பேரிடம் விசாரணை + "||" + Madurai airport Foreign money confiscation

மதுரை விமான நிலையத்தில் கட்டு கட்டாக வெளிநாட்டு பணம் பறிமுதல், 5 பேரிடம் விசாரணை

மதுரை விமான நிலையத்தில் கட்டு கட்டாக வெளிநாட்டு பணம் பறிமுதல், 5 பேரிடம் விசாரணை
மதுரை விமான நிலையத்தில் இருந்து இலங்கைக்கு கடத்த முயன்ற வெளிநாட்டு பணம் கட்டு கட்டாக பறிமுதல் செய்யப்பட்டது. இதுதொடர்பாக 5 பேரை பிடித்து சுங்கத்துறை அதிகாரிகள் விசாரித்து வருகின்றனர்.

மதுரை,

மதுரையில் இருந்து விமானம் மூலம் வெளிநாட்டு பணம் கடத்தப்படுவதாக சுங்கத்துறை அதிகாரிகளுக்கு ரகசிய தகவல் கிடைத்தது. அதன்பேரில் மதுரை விமான நிலையத்திற்கு வந்த பயணிகளை சுங்க புலனாய்வு துறை உதவி கமி‌ஷனர் வெங்கடேஷ்பாபு தலைமையில் அதிகாரிகள் சோதனை செய்தனர்.

அப்போது, மதுரையை சேர்ந்த சன்னாசி என்பவருடைய மகன்கள் திருநாவுக்கரசு (வயது 40), மணிவண்ணன் (35), கரிகாலன் (36), அப்துல்ஜலால் மகன் சையத்முகமது (34), முகமது முகைதீன் மகன் ஜாவகீர் (32) ஆகிய 5 பேர் அங்கு வந்தனர்.

அவர்களின் நடவடிக்கையில் சந்தேகம் ஏற்பட்டதை தொடர்ந்து சுங்கத்துறை அதிகாரிகள், அவர்களது உடைமைகளையும் சோதனை செய்தனர். அப்போது அதில் கட்டு கட்டாக வெளிநாட்டு பணம் இருந்தது கண்டுபிடிக்கப்பட்டது.

மேலும் அவை அனைத்தும் மதுரையில் இருந்து இலங்கைக்கு கடத்துவதற்காக கொண்டு சென்றதும் உறுதி செய்யப்பட்டது. இதனை தொடர்ந்து அந்த பணத்தை பறிமுதல் செய்த சுங்கத்துறை அதிகாரிகள், 5 பேரிடமும் விசாரணை நடத்தி வருகின்றனர்.

இதுதொடர்பாக சுங்க புலனாய்வு துறை உதவி கமி‌ஷனர் வெங்கடேஷ்பாபு கூறும்போது, “வெளிநாட்டு பணம் கடத்த முயன்ற 5 பேரிடம் இருந்தும் சிங்கப்பூர், அமெரிக்கா போன்ற நாடுகளில் பயன்படுத்தப்படும் பணம் பறிமுதல் செய்யப்பட்டுள்ளது. பறிமுதல் செய்யப்பட்ட பணம், இந்திய மதிப்பில் ரூ.17 லட்சத்து 16 ஆயிரத்து 802 ஆகும். மேலும் அந்த பணம் அவர்களுக்கு எப்படி கிடைத்தது, யாருக்கு அவர்கள் கொண்டு செல்கிறார்கள் என்பது குறித்து விசாரித்து வருகிறோம், என்றார்.

பொதுவாக வெளிநாட்டிற்கு செல்லும் பயணிகள், தங்களின் தேவைக்கு பயன்படுத்தி கொள்ள சுமார் 5 ஆயிரம் அமெரிக்க டாலர் மதிப்புள்ள (அதாவது இந்திய மதிப்பில் ரூ.3½ லட்சம்) வெளிநாட்டு பணத்தை எடுத்துச் செல்ல முடியும். மேலும் அந்த பணத்தை ரிசர்வ் வங்கியின் மூலமோ அல்லது அதனை சார்ந்த நிறுவனங்களின் மூலமோ பெற்றிருப்பது அவசியமாகும். அவ்வாறு பணத்தை விமானத்தில் எடுத்து செல்லும் போது அந்த பணத்திற்கான ரசீதையும் கையில் வைத்திருக்க வேண்டும். அப்போது தான் அந்த பணத்தை விமானத்தில் எடுத்துச் செல்ல அனுமதி அளிக்கப்படும். அனுமதி இல்லாமல் எடுத்து செல்லப்படும் பணம் ஹவாலா பணம் என அழைக்கப்படுகிறது. இதுபோன்ற ஹவாலா பணம் கடத்தப்படுவதால் இந்தியாவிற்கு வருவாய் இழப்பு ஏற்படுவது குறிப்பிடத்தக்கது.



தொடர்புடைய செய்திகள்

1. கணவர் அளித்த ஆட்கொணர்வு மனு: ஐகோர்ட்டில் ஆஜரான சென்னை பெண்ணிடம் நீதிபதிகள் விசாரணை
கணவர் அளித்த ஆட்கொணர்வு மனு தொடர்பாக மதுரை ஐகோர்ட்டில் ஆஜரான சென்னை பெண்ணிடம் நீதிபதிகள் அதிரடி விசாரணை நடத்தினர். இதுதொடர்பாக முன்னாள் அமைச்சரின் மகனுக்கு நோட்டீஸ் அனுப்பவும் உத்தரவிட்டனர்.
2. மறைப்பதற்கு எதுவும் இல்லை என்றால் நாடாளுமன்ற கூட்டுக்குழு விசாரணைக்கு அஞ்சுவது ஏன்? - ராகுல் காந்தி கேள்வி
‘ரபேல்’ போர் விமான விவகாரத்தில் மறைப்பதற்கு எதுவும் இல்லை என்றால், நாடாளுமன்ற கூட்டுக்குழு விசாரணைக்கு உத்தரவிட பயப்படுவது ஏன் என்று ராகுல் காந்தி கேள்வி விடுத்தார்.
3. கொடுமுடி அருகே மணல் கடத்திய 2 லாரிகள் பறிமுதல்
கொடுமுடி அருகே மணல் கடத்திய 2 லாரிகள் பறிமுதல் செய்யப்பட்டன.
4. மேற்கு வங்காளத்தில் தொடரும் பாலம் இடிந்து விழும் சம்பவம்; இந்தியா திரும்பிய பின் மம்தா பானர்ஜி ஆய்வு
மேற்கு வங்காளத்தில் தொடரும் பாலம் இடிந்து விழும் சம்பவம் பற்றி வெளிநாட்டு பயணம் முடிந்து இந்தியா திரும்பிய பின் மம்தா பானர்ஜி ஆய்வு செய்வார் என கல்வி மந்திரி தெரிவித்துள்ளார்.
5. லஞ்ச வழக்கில் சிக்கிய அரசு டாக்டர் வீட்டில் ரூ.23 லட்சம் பறிமுதல்
ராய்காட்டில் உள்ள அரசு ஆஸ்பத்திரியில் சம்பவத்தன்று ஒருவர் மனைவியை பிரசவத்திற்காக சேர்த்தார்.