ரஷியாவில் வேகமெடுக்கும் கொரோனா; ஒரே நாளில் 20,977 பேருக்கு தொற்று உறுதி

மாஸ்கோ,

கொரோனா வைரசால் அதிகம் பாதிக்கப்பட்ட நாடுகளில் ரஷியாவும் ஒன்று. அங்கு கடந்த சில நாட்களாக வைரஸ் பரவலின் வேகம் அதிகரித்து வருகிறது. அதன்படி கடந்த 3 நாட்களாக அங்கு தினசரி கொரோனா பாதிப்பு 20 ஆயிரத்துக்கும் அதிகமாக இருந்து வருகிறது. இந்த நிலையில் அங்கு இதுவரை இல்லாத அளவுக்கு நேற்று ஒரே நாளில் 20 ஆயிரத்து 977 பேருக்கு புதிதாக வைரஸ் தொற்று உறுதி செய்யப்பட்டது.

இதன் மூலம் அங்கு மொத்த கொரோனா பாதிப்பு 18 லட்சத்து 17 ஆயிரத்து 109 ஆக அதிகரித்துள்ளது. அதேபோல் கொரோனாவால் உயிரிழந்தவர்களின் எண்ணிக்கை 31 ஆயிரத்து 161 ஆக உயர்ந்துள்ளது.