வங்காளதேசத்துக்கு எதிரான டெஸ்டில் நியூசிலாந்து அணி இன்னிங்ஸ் வெற்றி


வங்காளதேசத்துக்கு எதிரான டெஸ்டில் நியூசிலாந்து அணி இன்னிங்ஸ் வெற்றி
x
தினத்தந்தி 3 March 2019 10:03 PM GMT (Updated: 3 March 2019 10:03 PM GMT)

வங்காளதேசத்துக்கு எதிரான டெஸ்டில் நியூசிலாந்து அணி இன்னிங்ஸ் வெற்றிபெற்றது.

ஹாமில்டன்,

நியூசிலாந்து-வங்காளதேசம் அணிகள் இடையிலான முதலாவது டெஸ்ட் கிரிக்கெட் போட்டி ஹாமில்டனில் கடந்த 28-ந்தேதி தொடங்கியது. இதில் முதல் இன்னிங்சில் வங்காளதேசம் 234 ரன்களும், நியூசிலாந்து 715 ரன்களும் எடுத்தன. 481 ரன்கள் பின்தங்கிய நிலையில் 2-வது இன்னிங்சை தொடங்கிய வங்காளதேச அணி 3-வது நாள் முடிவில் 4 விக்கெட்டுக்கு 174 ரன்கள் எடுத்திருந்தது.

இந்த நிலையில் 4-வது நாளான நேற்று தொடர்ந்து ஆடிய வங்காளதேச அணி 103 ஓவர்களில் 429 ரன்கள் குவித்து ஆல்-அவுட் ஆனது. ‘கன்னி’ சதத்தை எட்டிய சவும்யா சர்கார் 149 ரன்களும் (171 பந்து, 21 பவுண்டரி, 5 சிக்சர்), 4-வது சதத்தை பூர்த்தி செய்த பொறுப்பு கேப்டன் மக்முதுல்லா 146 ரன்களும் (229 பந்து, 21 பவுண்டரி, 3 சிக்சர்) எடுத்தது மட்டுமே வங்காளதேசத்திற்கு கிடைத்த ஆறுதல் ஆகும். வேகப்பந்து வீச்சாளர்கள் டிரென்ட் பவுல்ட் 5 விக்கெட்டுகளும், டிம் சவுதி 3 விக்கெட்டுகளும் வீழ்த்தினர். இதன் மூலம் இன்னிங்ஸ் மற்றும் 52 ரன்கள் வித்தியாசத்தில் வெற்றி பெற்ற நியூசிலாந்து அணி 3 போட்டிகள் கொண்ட இந்த தொடரில் 1-0 என்ற கணக்கில் முன்னிலை வகிக்கிறது. 2-வது டெஸ்ட் போட்டி வருகிற 8-ந்தேதி வெலிங்டனில் தொடங்குகிறது.

Next Story