சென்னை,

சென்னை மாவட்ட ஆக்கி சங்கம் சார்பில், சூப்பர் டிவிசன் ஆக்கி லீக் போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது.

இதில் நேற்று நடந்த ஆட்டம் ஒன்றில் வருமானவரி அணி 5-2 என்ற கோல் கணக்கில் இந்திய உணவு கழகத்தை தோற்கடித்தது. மற்றொரு ஆட்டத்தில் இந்தியன் வங்கி 6-0 என்ற கோல் கணக்கில் இந்திரா காந்தி நினைவு கிளப்பை பந்தாடியது.

இன்றைய ஆட்டங்களில் தமிழ்நாடு போலீஸ்- சென்னை துறைமுகம் (பிற்பகல் 2 மணி), ஜி.எஸ்.டி. மற்றும் மத்திய கலால்வரி -ஸ்டேட் வங்கி (மாலை 4 மணி) அணிகள் மோதுகின்றன.