மும்பை,

12 அணிகள் இடையிலான 7-வது புரோ கபடி தொடர் இந்தியாவின் பல்வேறு நகரங்களில் நடந்து வருகிறது. இதில் மும்பையில் நேற்று நடந்த 15-வது லீக் ஆட்டத்தில் நடப்பு சாம்பியன் பெங்களூரு புல்ஸ் அணி 30-26 என்ற புள்ளி கணக்கில் மும்பை அணியை தோற்கடித்தது. இன்னொரு ஆட்டத்தில் தபாங் டெல்லி 41-21 என்ற புள்ளி கணக்கில் அரியானா ஸ்டீலர்சை வீழ்த்தி 3-வது வெற்றியை பெற்றது.

இதே மைதானத்தில் இன்று நடக்கும் லீக் ஆட்டங்களில் தமிழ் தலைவாஸ்-பாட்னா பைரட்ஸ் (இரவு 7.30 மணி), பெங்கால் வாரியர்ஸ்-புனேரி பால்டன் (இரவு 8.30 மணி) அணிகள் மோதுகின்றன.