தங்கம் விலை கடந்த சில நாட்களாகவே ஏற்ற, இறக்கத்துடனேயே காணப்பட்டு வருகிறது. அந்த வகையில், கடந்த சனிக்கிழமை தங்கம் விலை அதிரடியாக குறைந்தது. அதன்படி, சென்னையில் ஆபரணத் தங்கத்தின் விலை சவரனுக்கு ரூ.1,200 குறைந்து ரூ.71,840-க்கு விற்பனை செய்யப்பட்டது.

கிராமுக்கு ரூ.150 குறைந்து ரூ.8,980-க்கு விற்பனை செய்யப்பட்டது. வெள்ளியின் விலை ஒரு கிராம் ரூ.3 அதிகரித்து ரூ.117-க்கும், ஒரு கிலோ வெள்ளி ரூ.1,17,000-க்கு விற்பனை செய்யப்பட்டது.

இதனை தொடர்ந்து திங்கட்கிழமையும் தங்கம் விலை ரூ.200 குறைந்துள்ளது. அதன்படி, சென்னையில் ஆபரணத் தங்கத்தின் விலை ஒரு சவரன் ரூ.71.640-க்கும், ஒரு கிராம் ரூ. 8955-க்கும் விற்பனை செய்யப்பட்டது. வெள்ளியின் விலை ரூ. 1 உயர்ந்து வெள்ளி ஒரு கிராம் ரூ.118-க்கும், ஒரு கிலோ வெள்ளி ரூ.1,18,000-க்கு விற்பனை செய்யப்பட்டது.

இந்நிலையில், தொடர்ந்து 3வது நாளாக இன்றும் (செவ்வாய்கிழமை) தங்கத்தின் விலை குறைந்துள்ளது. அதன்படி, தங்கம் விலை இன்று சவரனுக்கு ரூ. 80 குறைந்துள்ளது. இதன் மூலம் சென்னையில் தங்கத்தின் விலை ஒரு சவரன் ரூ. 71,560-க்கும், ஒரு கிராம் ரூ. 8,945-க்கும் விற்பனை செய்யப்படுகிறது.

வெள்ளியின் விலை ரூ. 1 உயர்ந்து வெள்ளி ஒரு கிராம் ரூ.119-க்கும், ஒரு கிலோ வெள்ளி ரூ.1,19,000-க்கு விற்பனை செய்யப்பட்டது.